Супер модель Кендалл Женнер болон NBA-ийн од Девин Бүүкер нар хоёр жилийн үерхэлдээ цэг тавьсан байж болзошгүй тухай эх сурвалжууд дурдаж эхэлжээ.
Нэгэн эх сурвалжийн дурдснаар тэд Кортни Кардашъяаны хуримд хамтдаа очиж, цагийг сайхан өнгөрүүлсэн ч ирснийхээ дараа нэгдмэл биш, амьдралын өөр хэв маягтай гэдгээ ойлгон хоёр тийш болсон хэмээжээ.
Хамт байхгүй байгаа ч нэг нэгэндээ санаа тавьсаар байгаа тэдний харилцаа 2020 онд эхэлсэн ч 2021 оны Гэгээн Валентины баярын өдрөөр ил болсон. Тус оны зургаадугаар сард хосууд нэг жилийн ойн баяраа тэмдэглэсэн бөгөөд хоёр жилийнхээ ой дээр ийнхүү салалтын тухай мэдээлэл цацагдаж эхлээд байна.
Кендалл Женнерийн хувьд өмнө нь хэд хэдэн NBA-ийн одтой болзож байсан билээ.
