Та бидний сайн танил, Монголын анхны фото мисс, Х-Түц хамтлагийн гишүүн асан Б.Хулан сүүлийн үед сураг тасраад байсан нь Соёлтхүү хэмээх өвөрлөгч эртэй дэр нэгтгэж, үрийн зулай үнэрлэх гэж буйтай холбоотой бололтой.
13-хан насандаа Монголын анхны фото миссээр шалгарч байсан дэрвэгэр алаг нүдтэй, хөрслөг бор хөөрхөн охиныг харсан ямар ч эр сэтгэл алдрахгүй байхын аргагүй. Олон эрийн харцыг булааж, хайрыг татаж явсан Б.Хулан Х-Түц хамтлагт хоёр, гурван жил ажилласан хэдий ч сүүлийн үед урлагийн талбараас илт хөндийрөөд байсан юм. Харин хөндийрөх болсон олон шалтгааны нэг нь Соёлтхүү хэмээх 60 гаруй насны халзан толгойтой, туранхай өвөрлөгч эртэй дэр нэгтгэсэнтэй холбоотой байж магадгүй байна.
Б.Хулан өдгөө жирэмсэн аж. Бие давхар гэдэг нь илт анзаарагддаг болсноос үзвэл тэрбээр 4, 5-н сартай байж болох юм гэж ойрын эх сурвалжууд өгүүлж байна лээ.
Харин Монголын цуутай, сайхан бүсгүйчүүдийн нэг Б.Хуланг авч суусан өвөрлөгч эрийн тухайд нэлээд хүүхэмсэг нэгэн гэнэ. Хятад, Монгол бизнесменүүдийг холбож, бизнес жуулчлалаар мөнгө олдог Соёлтхүү нь 60 насыг хэдийнэ зооглосон ч манай урдаа барьдаг хөөрхөн бүсгүй Б.Хуланг авч суусан нь нэлээд жаатайг харуулж байгаа юм.
Гэхдээ мөнгөнд нь л хууртаж суулаа гэх томъёолол Б.Хуланд зохихгүй болов уу. Ядаж л рекламанд тоглож, байгаа авъяасаа худалдаад идчих чадалтай Б.Хулан мөнгөөр дутахгүй нь ойлгомжтой. Нөгөөтэйгүүр 60 настай өвөрлөгч эрд сэтгэл алдарсан гэвэл бас л итгэмгүй. Халх Монголын ханхар сайхан эрчүүд хаа сайгүй байхад өвгөрсөн өвөрлөгч эрд Б.Хулан сэтгэл алдарч явах нь юу л бол. Тэгэхдээ үр хүүхдийг нь төрүүлэх дээрээ тулж, хэвлийдээ тээж яваагаас үзвэл Б.Хуланг татах ямар нэгэн хүч Соёлтхүүд байдаг бололтой.
“Black Morgan” хэмээх компанид ажилладаг Жавхлан гэдэг залуутай ханилж, хөөрхөн охинтой болсоноо гайхуулж суусан Б.Хулан ийнхүү өвөрлөгч эртэй хоёр дахь амьдралаа зохиожээ.
Нэгэн цагт “Хайр гэдэг бол миний бодлоор хийсвэр, агаарын юм л санагддаг. Нэг гэрт ороод хамт амьдрахдаа бие биендээ хайртай гэж хэлдэг мөртлөө салахаа хvрвэл салаад л явчихдаг шvv дээ. Тэгэхээр хайр гэдэг хийсвэр л зvйл юм болов уу. Гэхдээ хайр ямар ч хиргvй тунгалаг, ариун байдаг. Надад хайраасаа илvv итгэлцэл гэдэг амьдралд илvv чухал юм шиг санагддаг. Бие биендээ итгэж байж энэ амьдрал цаашаа vргэлжилж явна гэж боддог. Тvvнээс биш мянга би чамд хайртай гээд цаагуураа өөр хvнтэй явалдаад байх утгагvй. Тэгвэл нөгөө сайхан хайрын vнэ цэнэ алга болно. Би чамдаа итгэж байгаа шvv гэдгийг л ханьдаа ойлгуулах хэрэгтэй. Бие биендээ итгээд бие биенийхээ итгэлийг алдахгvй байх юмсан гэж боддог” хэмээн ярьж байсан Б.Хулан Соёлтхүү гэх хятад цустай эрд итгэл, сэтгэлээ өгсөн бололтой.
Mongolcomments.mn
