Ц.Цэрэнболдын найруулагчаар ажилласан анхны кино “Уулын намар” маргааш нээлтээ хийнэ

Соёлын гавьяат зүтгэлтэн С.Пүрэвийн “Уулын намар” туужаас сэдэвлэн бүтээсэн “Уулын намар” уран сайхны кино маргаашнаас эхлэн бүх кино театруудын дэлгэцнээ гарч эхэлнэ. “Цэбо” болон “Логик” фильмийн хамтран бүтээсэн уг киноны гол дүрд Ц.Цэрэнболд, Д.Ганцэцэг, Ө.Мөнгөнтулга, Н.Сугармаа, Б.Базаррагчаа, Д.Бямбадорж, Х.Хишигдэлгэр, Э.Амарбаясгалан нар тоглосон байна. Жүжигчин Ц.Цэрэнболдын хувьд энэхүү кино нь ерөнхий найруулагчаар нь ажилласан анхны бүтээл бөгөөд зохиолыг Ө.Мөнгөнтулгатай хамтран бичсэн байна.