Та өглөө бүр ядарсан сэрдэг юм биш биз? Эсвэл орондоо орсон хойноо нойр тань байнга хулждаг уу? Тэгвэл бид буруутнуудыг нэрлэж байна. Хэрвээ танд доорх зуршлуудын нэг нь ч гэсэн байдаг бол татгалзахыг хичээгээрэй.
1. Замбараагүй нойр
Унтлагын хуваарь зөвхөн хүүхдүүдэд хэрэгтэй гэж боддог бол та эндүүрч байна. Тогтсон цагтаа нойрсож, сэрэх нь сэтгэл санаа, биеийн эрүүл мэндэд маш сайнаар нөлөөлдгийг судлаачид хэдийнэ тогтоосон. Ингэснээр биеийн биохэмнэл тогтворжиж, ажлын бүтээмж, эрч хүч ч эрс өсдөг. Хэрвээ та зарим өдөр 10 цагт, маргааш нь шөнийн 1 цагт унтах зэргээр хүссэн үедээ ор луугаа явдаг бол энэ нь таны нойр төдийгүй эрүүл мэндийг тань сүйтгэх аюултай.
2. Шөнийн уншигч
Та унтахын өмнө ном, сэтгүүл гарчиглах зуршилтай юу? Тийм бол таны бие аажмаар энэ зуршилд тань тааруулж, программчлагддаг бөгөөд хэдэн хуудас ном уншихаас нааш нойр тань хүрэхээ больдог аж. Тиймээс тухтай буйдан, эсвэл цонхныхоо дэргэд ном уншихыг зөвлөе.
3. Фэйсбүүкийн манаач
Даяаршлын эриний хамгийн хүчирхэг холбоо, харилцааны суваг нь Фэйсбүүк болсныг дэлхий даяарх тэрбум хэрэглэгч нь илтгэнэ. Та ч мөн тэдний нэг нь биз. Гэхдээ бүх юмны тухай мэдэх цаг ч, хэрэгцээ ч хэнд ч байхгүй шүү дээ. Угаас бүхний тухай мэднэ гэвэл хэний ч амьдрал хүрэлцэхгүй. Тэгэхээр ядаж л орондоо орсон хойноо iPhone-оороо фэйсбүүкээ шалгахаа боливол яасан юм?
4. Тухгүй ор
Ор тань тухгүй учраас байнга эргэж хөрвөөж, шөнө дунд сэрдэг үү? Хэрвээ энэ асуудалтай тулгарсан бол тавилгын дэлгүүр рүү хурдхан явсан нь дээр болов уу. Учир нь нойр шиг сайн эм үгүйг үе үеийн эмч нар хэлдэг шүү дээ. Тухтай оронд хангалттай мөнгө зарцуулах нь таны эрүүл мэнддээ хийж буй нэг хөрөнгө оруулалт болно.
5. Сэрүүлэгтэй цаг
Сэрүүлэгтэй цаг хажуудаа тавьсан тохиолдолд тайван нойрсоход хүндрэлтэй байдаг. Тэр дундаа тод гэрэлтэй, дижитал цаг сэтгэл зүйд бага хэмжээний дарамт учруулах төдийгүй өрөөг гэрэлтүүлснээр нойрыг хулжаадаг байна. Тиймээс та сэрүүлэгтэй цагийг гар утсаараа орлуулахыг хичээгээрэй.
6. Нэг, хоёр, гурван хонь…
Нойр тань үнэхээр хүрэхгүй байвал хонь эсвэл од тоолохыг хүмүүс санал болгодог. Гэтэл энэ нь нойрыг улам ч сэргээдэг болохыг Америкийн нойрны үндэсний сан (National sleep foundation)-гаас анхааруулжээ. Харин үүний оронд хэсэг зуур зурагт үзэж, шингэн зүйл уусан нь дээр хэмээн тус сангаас зөвлөжээ.
7. Оройн дасгал
Хэрвээ та ажил буюу хичээлийнхээ дараа фитнессд явж, спортоор хичээллэдэг бол энэ нь нойрны заналт дайсны нэг гэнэ. Учир нь дасгал хөдөлгөөн хийсний дараа биеийн температур нэмэгдэж, эрч хүч огцом нэмэгддэг аж.
Мэдээний линк: http://entertainment.time.mn/content/19606.shtml
