Намар өвлийн загварын шоунуудын гоо сайхны топ трендүүд. Хүүхэлдэйн үснээс авахуулаад Рүүни Мара-лаг засалт хүртэл…
1. Хар интоорЦус сорогчийн зохиол саяхныг хүртэл шуугиулж байсан бол, одоо цус сорогчийнх шиг уруул шуугиулж байна. Гүзээлзгэнийх ч биш, үнсэлтийнх ч биш, хар интоорынх шиг хар улаан холилдсон өнгийн уруул таныг харанхуйн сахиусан тэнгэр гэдгийг сануулна.
2. Геометрэн хэмжээст харц- Нүдийг яаж хүрээлэхээс бусдад төрүүлэх сэтгэгдэл ихээхэн хамааралтай. Энэ улиралд дизайнерууд бүсгүйчүүдийг өөрийнхөө доторх ширүүн саварт муурыг ил гаргаасай гэж хүсч байна. Контурыг нүдний хүрээнээс хөмсөгний төгсгөлийн шугам хүртэл урт зурах юм уу, нүдээ харандаагаар бүхэлд нь тойруулж хүрээлэх, хараас өөр өнгийн контур туршиж үзэх зэргээр нүдээ өмнөхөөсөө өөрөөр будаад үзээрэй. Antonio Marras, Altuzzara, Lanvin, Anna Sui, Giorgio Armani, Mugler, Zac Posen зэрэг ихэнх нэртэй брэндүүдийн шоу этгээд хүрээтэй харцаар дүүрэн байв.
3. Trend Rooney Mara-“Луун шивээст охин”-ы засалт үсчдийн анхаарлыг ихэд татжээ. Тэгшхэн мөртлөө духны хоёр талаар уртавтар маягтай энэ чёл эмэгтэй хүний шийдэмгий хурц байдлыг илтгэдэг гэдгийг энэ имиджийг сонгосон дизайнеруудын нэрс илтгэж байна. Үүнд: Marni, Antonio Berardi, Elie Saab, Versace.
4. Цэвэрхэн гельдсэн үсҮснийхээ нэг тал руу гүн хуваах юм уу тэр чигт нь хойшоо самнаж, гельдэх моод хэзээнээс загварын тайзнаа ноёрхож эхэлснийг санахгүй нь. Ямартай ч энэ тренд нэг хэсэгтээ л биднийг уйдаахгүй бололтой. Угаагаад нэг хоносон үсийг ингэж самнахад хамгийн тохиромжтой. Учир нь хөвсийх чанар нь алдагдаж, хэлбэрт орохдоо амархан болсон байдаг. Etro, Marc Jacobs, Loewe, Alberta Ferretti, Jason Wu зэрэг дизайнерууд энэ засалтыг сонгожээ.
5. Олон өнгө хольсон будалтPrada, Roberto Cavalli, Prabal Gurung нарын дизайнерууд хуурай болон саатай 4-5 өнгийн будгийг хольж гаргасан будалтанд хошуурчээ. Хэдий их цаг шаардах ч гэлээ, ийм будалт эмх замбараагүй байх тусмаа энэ трендтэй нийцэх юм байна. Тиймээс төгс уусгалтыг хийх гэж хичээх хэрэггүй.
6. Ретро овгор үсСэгсийлгээд өг! Романтик юм уу залуу хэв маягтай брэндүүд болох Moschino, Oscar de la Renta, Dsquared2, Carolina Herrera нар ретро засалтаар загваруудаа чимжээ. Үсээ аль болох сайн сэнсдэж, нарийхан шүдтэй самаар угийг нь босгож байгаад хавчаар юм уу туузаар гоёж өгөөрэй.
7. Матте үнсэлт-Тослоггүй, шохойн өнгийн матте уруулын будаг даруухан бүсгүйчүүдийн гоо сайханд шинэчлэлт хийх болно. Ийм өнгөөр уруулаа будсан бол нүдээ теньдэлгүй, зөвхөн сормуусаа будахыг зөвлөж байна. Их ажил хэрэгч, энгийн атлаа энхрий харагдах бөгөөд, өглөө яарсан үед маш тохиромжтой будалт.
8. Жаварт улайсан хацар Бид гэнэн ягаан өнгийн хацар өнгөлөгчөөр зөвхөн товгор ясан хэсгийг нь биш, хацрыг тэр чигт нь дугуйруулан будсаныг харж байна. Эрт үеэс ягаарсан хацар нь эрүүл, гоо сайханлаг эмэгтэйн шинжинд ордог байсан бөгөөд орос, англи хатагтай нар өвлийн улиралд хацраа жаварт жиндиж улайсан мэт ягаанаар өнгөлдөг байсан. Чиний арьсны ерөнхий тон шаргал юм уу, ягаавтар бол (эсвэл чиний хацар даарахаараа яг ийм ягаан болдог бол) энэ тренд чамд үнэхээр зохино.
Эх сурвалж: Гоолингоо
