Поп од, дуучин Бейонсе “Super bowl” буюу Америкийн үндэсний хөлбөмбөгийн аварга шалгаруулах тэмцээний дундуур болох хагас цагийн тоглолтод оролцох болсноо өөрийн твиттер хуудаст бичжээ.
Уг тэмцээний хагас цагийн шоу тоглолтыг хамгийн олон хүн үздэгээрээ дэлхийд алдартай юм. Өнгөрсөн жилийн тоглолтод алдарт дуучин Мадонна оролцож байсан аж. Энэ нь тухайн жилийн хамгийн олон үзэгч үзсэн шоугаар тодорсон байна. Тоглолтыг 112.5 сая хүн шууд үзжээ. Өмнө нь энэхүү шоу тоглолтод “The Rolling Stone”, “Bruce Springsteen” зэрэг хамтлаг, дуучид оролцож байсан байна. Ирэх оны тоглолтод түүний нөхөр реппэр Jay Z, “Destiny’s child” хамтлаг оролцох аж.