Италийн хижээл насны нэгэн иргэн хайртай нохойдоо 2 сая орчим еврогоор үнэлэгдэх бүх хөрөнгөө гэрээслэн үлдээсэн тухай тус улсын хэвлэлүүд мэдээлснийг РИА Новости агентлаг дамжуулжээ.
Өдгөө 84 настай эмээ охин, зээ нарынхаа хамтаар Казерта хотод аж төрдөг. Түүний гэрээслэлийг өмгөөлөгч нь болох Лучия Эспозито өнгөрөгч бямба гарагт танилцуулсан байна.
Гэрээслэлийн дагуу Кикко нэртэй нохой нь хоёр байр, хэд хэдэн эдлэн газар мөн эзнийхээ банкин дахь хадгаламжийг эзэмших эрхтэй болжээ.
Гэрээслэгч нь нөхрийгөө нас барсны дараахан ийм шийдвэр гаргасан гэж өмгөөлөгч нь ярьсан байна.
Италийн хуулийн дагуу гэрийн тэжээмэл амьтад өв хөрөнгө өвлөн авах нь хууль эрх зүйн хувьд хүчин төгөлдөр бус байдаг. Тиймээс хайртай муур эсвэл нохойдоо өв хөрөнгөө өвлүүлэхийг хүссэн хүмүүс амьтдыг нь насан туршдаа асран өв хөрөнгийг нь захиран зарцуулах хүн эсвэл олон нийтийн байгууллагыг сонгох ёстой болдог аж. 84 настай итали эмэгтэй ийм хүнээр өөрийнхөө өмгөөлөгч Эспозитог сонгожээ.
Д.Жаргал