Энд хийхэд хамгийн хялбар, эрүүл өглөөний цайны жоруудыг багтаасан байгаа. Үндсэн орц нь өндөг. Нэгэн хэвийн өглөөний цайны хэв маягийг халж, сонирхолтой хялбархан шинэ жороор хүүхдүүдээ баярлуулаарай.
Омлет (Omlette)
Хүүхдийнхээ өглөөний цайнд зориулан хийж өгөх амттай бөгөөд амархан эхний жор бол Омлет.
Чамд:
• 2 ш өндөг
• Ногоон ногоо (сонгино,бууцай, улаан лооль, оливийн тос, мөөг)
• Бяслаг
Хэрхэн хийх вэ?
• Өндгөө хагалж савандаа зуураад ногоонуудаа хольж бага багаар нэмж зуурна.
• Зуурмагаа хайруулын тавгандаа маш багаар хийж хайрна. Түлэхгүйн тулд 2 тийш ээлжлэн эргүүлнэ.
• Тавган дээрээ тавиад нугалж тавиад хэрчсэн ногоонуунаа өөрийн сонголтоор цацна.
• Хажууд нь хүүхдийнхээ дуртай бясагийг нэмж амт оруулаарай.
Өвөрмөц амттай багсарсан өндөг (Scrambled egg)
Чамд:
• 3ш өндөг
• 1 амны халбага сүү
• Оливын тос
• Ус
• Давс
• Перец
• Бяслаг
• Ногоо (броколли,бууцай, төмс, улаан шар, ногоон чинжүү)
Хэрхэн хийх вэ?
• Өндгөө аяганд хийж хутгана
• Дээр нь сүү, оливын тос, усаа нэмнэ
• Давс, перецээ нэмнэ
• Хайруулын тавгаа халааж зуурмагаа хайрахад бэлтгэнэ
• Зуурмагаа хайруулын тавганбаа хийж хайрна. Хайрах явцдаа бяслагаа үрж, дээр нь цацаарай
• Ингээд сүүлд нь хэрчсэн ногоонуудаа нэмж хутгана.
Өндөгтэй Буритто (Egg Burito)
Чамд:
• 4ш өндөг
• Ногоо (броколли,бууцай, төмс, улаан шар, ногоон чинжүү )
• Троттила гурил (элдэж хайраад бэлэн болгосон гурил)
• Салса соус
Хэрхэн хийх вэ?
• Өндгөө саванд хийж зуураад ногоонуудаа хэрчиж бэлэн болгоно.
• Хайруулын тавгаа халааж өндөг ногоогоо тус тусанд хуурна.
• Бэлэн болсон хачираа тротилла гуриландаа ороож хуулина.
• Ингээд өндөгтэй Бурито бэлэн болно.
• Соусандаа түрхээд амтархан идээрэй!
Өндөгтэй Пицца (Egg pizza )
Чамд:
• Пиццаны зуурмаг
• Пиццаны соус
• 100 гр пиццаны бяслаг
• 3 ш өндөг
Хэрхэн хийх вэ?
• Пиццаны зуурмагаа элдэж хайруулын тавган дээрээ хайрна.
• Хайрсан гурилан дээрээ соусаа түрхэнэ (амталгаагаар)
• Бяслагаа үрээд 10-12 минут жигнэнэ
• Дээр нь өндгөө хагалаад нэмнэ
• Ингээд ахин 5-7 минут жигнэж өндөгтэй пицца бэлэн болно.
Өндөгтэй Сандвич (Egg Sandvich)
Чамд
• 2-4ш өндөг
• Ногоо (салатны навч, бууцай, вандуй, сонгино, төмс)
• Сэндвичний талх
• Масло
• Хуудсан бяслаг
Хэрхэн хийх вэ?
• Эхлээд өндгөө зуурмаг болгоод, хайруулын тавгандаа хуурна
• Сэндвичний талхаа 2 хэсэг хувааж, маслоо түрхэнэ
• Нэг талхан дээрээ хольц буюу ногоонуудаа нэмж хийж хавчуулна. Ингэхдээ бясгалаа үрж бага багаар нэмээрэй
• Бэлэн болсон сэндвичээ богино долгионы зуухандаа халааж идээрэй. Ингээд л өнгөөний цайны сэндвич боллоо.
Өндөгтэй хуурсан будаа (Egg fried rice)
Чамд
• Будаа
• Өндөг
• Эрдэнэ шиш, вандуй, өнгөт чинжүү
• Ургамлын тос
• Сое соус
Хэрхэн хийх вэ?
• Будаагаа агшааж бэлэн болгоно
• Үүний дараа өндөгөө хуурч, ногоонуудаа хэрчиж бэлэн болгоно
• Хайруудын тавгаа халааж ногоонуудаа хуурна
• Будаагаа нэмнэ
• Нэмж сайтар хутгаад, сое суусаарай амтлаад таваглаарай.
Өндөгтэй гурвалжин бин (Egg paratha)
Чамд:
• 3-4 өндөг
• Улаан лооль, ногоон сонгино, жууцай, халуун чинжүү (дурын ногоо сонголтоор хийж болно)
• Давс, перец
• Гурил
Хэрхэн хийх вэ?
• Өндгөө хагалж зуурна.
• Зуурмаг дээрээ давс болон перец амталгаагаар нэмнэ. Дээр нь ногоонуудаа жижиглэн хэрчиж нэмнэ
• Мөн гурилаа шигшиж бага багаар нэмэж хутгахдаа өндгөө нэг нэгээр нь нэмээрэй. Зуурмагаа бөөгнөрүүлэхгүйн тулд сайтар хутгах хэрэгтэй
• Ингээд бэлэн болсон зуурмагаа халаасан хайруулын тавган дээрээ хайрч бэлэн болгоно
• Хайрсан бингээ гурвалжин хэлбэрээр хэрчиж, дуртай соусандаа дүрж идээрэй.
Өндөг, мөөгтэй Бручетта (Egg Mushroom Bruschetta)
Чамд:
• Чанасан өндөг
• Даршилсан мөөг
• 4/1 халбага оливийн тос
• Улаан перец
• 1 хумс сармис
• Цагаан гааны навч
Хэрхэн хийх вэ?
• Чанасан өндгөө хальсалж, 4/1-ээр хувааж бэлэн болгоно
• Улаан перец, цагаан гааны навч, сармис, мөөөгөө хэрчинэ
• Ногоонуудаа хамтанд нь хуурна. Инггэхдээ давс болон амтлагчаа нэмж зөөлөн галаар 2-3 минут хуурна
• Үүний дараа талхандаа амтлагч болон өндөгний шараа түрхэж зөөлөн гал дээр шарна. Бэлэн болсон талхан дээрээ ногоо, өндөгөө тавиад өндөг, мөөгтэй Бручетта бэлэн болно.
