Дэлхийн алдартай блоггер энэ бүсгүйг андахгүй сайн мэднэ гэдэгт итгэлтэй байна. Тэрээр өөр өөр, онцгой хэв маягуудыг бүтээдэг ч цэцгэн хээ, сонирхолтой принтүүдтэй даашинзыг загварынхаа гол сонголтонд багтаадаг.
MARYORTON
Түүний инстаграм хуудаснаас дэгжин, чамин, зоримог, тансаг, хээнцэр дүрх төрхийг бүтээсэн даашинзны загварыг харж болно. Эмэгтэйлэг гэхэд дэндүү эмэгтэйлэг түүний загварын сонголтууд чамд яг таалагдана аа!
RACH PARCELL
2 хүүхдийн ээж, өөрийн хувцасны брендтэй энэ бүсгүйн инстаграм хуудаснаас дэгжин, хээнцэр гэдэг үгсэд яв цав тохирох загваруудыг олж харах болно. Үүнээс гадна сонирхолтой амьдралын хэв маяг, аз жаргалтай ээжийн дүр төрхийг харж урам зориг авч болно шүү. Түүний хувийн сайтаар зочлохыг хүсвэл “энд” дараарай.
TLNIQUE
Зөвхөн даашинз биш гоёмсог жийнс, цув пальтоны хослолуудыг түүний хуудаснаас харах болно. Харин даашинзны сонголтын хувьд энгийн хэрнээ чамин, зоримог гэхээсээ энхрий дүр төрхийг харуулдаг. Өдөр тутмын амьдралын хэмнэл, арьс арчилгааны туршилтууд, аяллын тэмдэглэлүүдийг уншихыг хүсвэл “энд” дарж сонирхоорой.
JESSALIZZI
Paris бүсгүйчүүдийн илэрхийлэл болсон энэ бүсгүйн инстаграм хуудаснаас энгийн хэрнээ эрхэмсэг даашинзны загваруудыг харж болно. Ихэвчлэн минимал өнгө төрхийг илэрхийлдгээрээ онцлог. Хэрвээ чамд минимал хэв маяг таалагддаг бол заавал Follow хийгээрэй.
MELSEKREM
Туранхай бие, шөвгөр царай, эмэгтэйлэг хувцаслалтаараа өөрийн гэсэн гэсэн төрхийг бoрдүүлж чадсан. Түүний хувцаслалтын хэв маяг мини юбка, подвалк, хүзүүтэй цамц, пиджак, хослол, жижиг даашинзнаас бүрддэг. Ихэвчлэн мини загвартай, даавуун материалтай даашинзыг сонгодог нь мөн л бусдаас содон.
