“Харбин” хэмээх нэртэй түүхэн сэдэвт олон ангит киноны сонгон шалгаруулалт дуусч, зураг авалт ням гарагаас эхэлнэ хэмээн “CJ ENM” болон “Hive Media Corp” пүрэв гарагт мэдээллээ.
1900-д оны эхэн үед үйл явдал нь өрнөх уг киноны зураг авалтыг Өмнөд Солонгос, Латви болон Монгол улсад хийх төлөвтэй байгаа тухай мөн мэдээлжээ. Уг кинонд жүжигчин Хён Бин, И Дон Үг, Жон Ё Бин зэрэг “А” зэрэглэлийн алдартнууд дүр бүтээж буй.
Жүжигчин Хён Бинийг “Crash Landing On You” цувралаар нь олон нийт сайн мэднэ. Уг киноны зураг авалтаар Монгол улсад ирж байсан тэрээр дахин манай улсыг ийнхүү зорихоор болжээ.
“Харбин” киноны хувьд Японы эзэрхийлэлд байсан Солонгос улсыг эргүүлэн авахын тулд амь насаа дэнчин тавьж тусгаар тогтнолын төлөө тэмцэж буй залуусын тухай өгүүлэх бөгөөд тагнуулчдын тухай шилдэг бүтээл байх болно гэдгийг уран бүтээлчид онцолжээ.
.jpg)
