БНСУ-ын жүжигчин И Жун Сог, дуучин IU нарын үерхлийн тухай мэдээ 2023 оны оддын хамгийн эхний сенсаац байсан билээ.
Тэгвэл И Жун Сог MBC DRAMA AWARDS-аас Дэсан шагналыг хүртсэнийхээ дараа анх удаагаа фэнүүддээ хандлаа. Тэрбээр фэнүүддээ хандсан захидалдаа “Сайн байна уу? И Жунсог байна. Ийм том шагнал авсны дараа фэнүүддээ талархаж байгаа тухайгаа захиа бичих боломж байгаагүй, оройтож бичиж байна. Тэр нийтлэлээс хойш багагүй хугацаа өнгөрчээ. Оны сүүлд та бүхнийг цочирдуулсанд уучлаарай.
Шагнал гардуулах ёслолын үеэр надад өөртөө итгэх итгэлээ хадгалахад минь тусалж, дэмжин, алга ташилт бэлэглэсэн хүмүүстээ баярлалаа. Намайг нас нэмж байхад ч та бүхэн чин сэтгэлээсээ хайрлан, дэмжиж байгаад талархаж байна” хэмээн бичжээ.
Жүжигчин залуу найз бүсгүйнх нь нэр гэнэт зарлагдсан талаар “Өчигдрийн нийтлэлээс болж та нарын ихэнх нь цочирдсон гэдэгт итгэж байна… Тэр мэдээнд гарсан хүний талаар…
Би тэр хүнтэй 20 гаруй насандаа анх танилцсан. Энэ миний туршлагагүй хайр шиг санагдаж, хүрч чадахгүй том зүйл байсан. Бид найзууд болоод удаж байгаа. Гэхдээ илүү дэлгэрэнгүй яримаар байна. Тэр миний амьдралд үлдсэн нэгэн. Кан Дани /түүний тоглосон “Romance Is a Bonus Book” кинон дээр гардаг дүр/ шиг нэгэн байсан гэвэл та нар ойлгох байх гэж бодож байна” гэсэн байв.
Мөн IU-гийн тухай “Би түүнтэй санаа зовсон зүйлсээ хуваалцдаг. Найзын хувьд түшигтэй. Тэр заримдаа надаас дүү хэрнээ эгч шиг минь байдаг. Төлөвшсөн тэр хүнийг би хамгаалахыг хүсдэг. Тэр бол гайхалтай хүн. Одоо тэр намайг илүү сайн хүн болохыг хүсдэг.
Би түүнийг сайн танилцуулах ёстой байсан ч миний хувьд шинэ зүйл учраас та нарыг гайхах вий гэж санаа зовсон. Та бүхэн биднийг халуун дулаан сайхан сэтгэлээр харж чадна гэж найдаж байна. Жилийн турш үйл явдал ихтэй ч хайрлаж, дэмжсэнд дахин баярлалаа. Та бүхнийг дахин харах сайхан байна” гэжээ.
https://news.zindaa.mn/4gkx
