Бодисын солилцооны өөрчлөлтийн улмаас арьсан доорх өөхлөг эд болон бусад эдэд илүүдэл хэмжээгээр өөх хуримтлагдаж биеийн жин нэмэгдэхийг таргалалт гэнэ.
Таргалалтын 90-95 хувь нь амьдралын буруу хэв маягаас шалтгаалсан байдаг ба үлдсэн цөөн хувь нь өвчин болон удамшлын хүчин зүйлээс шалтгаалдаг. Мөн ихэнх тохиолдолд хөдөлгөөний дутагдал, хоол хүнсний зохисгүй хэрэглээнээс үүдэлтэй байна.
Таргалалт бол орчин цагийн хөгжил, амьдралын буруу хэв маягтай холбоотойгоор үүсэж буй нэг төрлийн өвчин юм.
Таргалалтын хор уршиг:
Таргалалт нь хүний эрүүл мэнд, сэтгэл санаа, эдийн засагт хохирол учруулдаг.
Таргалалт нь сэтгэлзүйд болон эдийн засагт дараах хор нөлөөтэй:
- Ганцаардмал болох
- Нийгмийн амьдралд оролцохоосоо төвөгшөөх
- Нийгмээс салж гутранги байдалд орох
- Өвчлөлд өртөмтгий болсноос эмнэлгийн үйлчилгээний зардал ихсэх
Монгол хүн амын 31% нь илүүдэл жинтэй, 18.5% нь таргалалттай байгаа нь зүрх судас, чихрийн шижин, хорт хавдрын шалтгаант нас баралт өндөр байх нэг шалтгаан болж байна.
Таргалалт нь дараах өвчнүүдийн шалтгаан болдог.
Эх сурвалж: ЭМЯ
