Өвлийн дунд сарын шинийн 20-ны билэгт сайн өдөр буюу өчигдөр 60 жил ханилж буй хоёр буурал “Очир эрдэнэ” хуримын ёслолоо Гэрлэх ёслолын ордонд тэмдэглэжээ.
“Очир эрдэнэ” хуримын эзэд 7 хүүхэдтэй, 30 ач, зээтэй өнөр өтгөн ам бүлтэй. Хоёулаа Монгол Улсын Худалдааны гавьяат ажилтан, худалдааны салбарт 50 гаруй жил үр бүтээлтэй ажиллаж иржээ.
Гэрлэх ёслолын ордны хамт олон Очир эрдэнийн эзэд буурлууддаа урт насалж, удаан жаргахын ерөөлийг дэвшүүллээ. 2023 он гарсаар олон жил ханилан амьдарч буй гурав дахь хос “Очир эрдэнэ” хуримын ёслолоо тэмдэглээд байна.
