Өмнөд Солонгосын алдарт жүжигчин Сун Хе Гёгийн тоглосон “The Glory” кино багагүй амжилт үзүүлээд байгаа билээ. Тус киноны хэвлэлийн бага хурлын үеэр Сун Хе Гёг өмнөхөөсөө илүү хөгшин харагдаж буйг интернэт хэрэглэгчид онцолсон. Харин тэрээр үүнд “Elle Korea” сэтгүүлд өгсөн ярилцлагаараа дамжуулан хариулт өгчээ.
Сун Хе Гё энэ тухай “Дун Ын-ий дүр бол бүх насаараа хүнд хэцүү амьдрал туулсан эмэгтэйн дүр. Тэр асар их арчилгаа, эмчилгээ хийлгэсэн мэт харагдвал утгагүй гэж би бодсон. Хүмүүс Сун Хе Гё гэнэт маш хөгшин харагдаж байна гэж хэлэх болсон. Гэхдээ би ч бас нас нэмж, хөгширч буйгаа мэдэрч байна” гэжээ.
Энэ жил 42 нас хүрч байгаа түүнийг интернэт хэрэглэгчид өмнөхөөсөө хөгшин харагдаж байгаа хэдий ч наснаасаа залуу харагдаж буйг онцолжээ.
Жүжигчин бүсгүй 2023 оны нэгдүгээр сарын шилдэг жүжигчдийн жагсаалтын нэгдүгээрт бичигджээ. “The Glory” киноны хоёрдугаар бүлэг ирэх гуравдугаар сард үзэгчдийн хүртээл болох ажээ.
.jpg)
.jpg)
