Казахстаны жүдоч Айгерим Абилкадирова үзэсгэлэн гоо болон олон нийтийн сүлжээний од гэдгээрээ алдартай. Тэрээр өнгөрсөн амралтын өдрүүдэд болсон Парисын “Их Дуулга” тэмцээнд оролцжээ.
Эхний тойрогт Бельгийн Шарлин ван Сниктэй таарсан казах бүсгүй өчих мэхээр ялагдсан. Ялагдахдаа өрсөлдөгчийнхөө хөлнөөс хазсан байна.
Тэрээр Казахстанаас төрсөн анхны бөгөөд цорын ганц грэпплингийн Дэлхийн аварга 2018, 2011 оны жүдо бөхийн Азийн аварга, Азийн аваргын 2 мөнгө, 1 хүрэл медальтай, жүдо бөхийн 11 удаагийн улсын аварга цолтой тамирчин юм. Мөн “Miss Europe Continental-2022” гоо бүсгүйн тэмцээний аварга юм.
Яагаад өрсөлдөгчөө хазсан талаараа тэр “Намайг шүүмжлээд байгаа буйдангийн шүүмжлэгч нарт хариу хэлье. Өчигдөр би Бельгийн тамирчинтай Парис Grand Slam тэмцээн дээр барилдсан. Тэр намайг гаранд өчсөн. Би гараа цохиж, бууж өгч байгаагаа мэдэгдсэн ч тэр гарыг минь нугалаад өчсөн хэвээр л байлаа. Гар хугарч байгаа юм шиг чимээ гарч, өвдсөндөө болоод би өөрийн мэдэлгүй хазсан байсан. Шүүгч ядаж байхад миний дохиог харалгүй, барилдааныг зогсоохгүй байсан. Намайг муулаад байгаа эрчүүдэд хэлэхэд хэрэв та нар тийм баатар юм бол зориг чинь хүрвэл нүүрэн дээр минь хэл л дээ” гэж тайлбар тавьжээ.
https://news.zindaa.mn/4i1f
