Дуучин Сэм Смит өөрийнхөө гадаад төрхтэй насан туршдаа тэмцсэний эцэст “Body dysmorphia disorder” өвчнөө ялан дийлжээ. Биеийн дисморфик эмгэгтэй (BDD) хүмүүс харагдах байдалдаа хэт их санаа зовж, биеийнхээ согогтой гэж бодсон хэсгийнхээ тухай бодохоо больж чаддаггүй бөгөөд эдгээр хүмүүсийг гаднаас нь хараад оношлоход бэрх.
Урт хугацааны турш уг эмгэгээр шаналсан Сэм Смит эцэст нь өөрийгөө байгаагаар нь хүлээн зөвшөөрч “Gloria” хэмээх шинэ цомогтоо зориулан цээж нүцгэн зураг авалтад оролцжээ. 2018 онд “Thrill of It All” аялан тоглолтынхоо үеэр өөрийгөө өөр өнцгөөр харж эхэлсэн тухайгаа шүтэн бишрэгчидтэйгээ хуваалцсан тэрээр эцэст нь өөрийгөө хүлээн зөвшөөрч, эрх чөлөөтэй байхыг эрхэмлэх болжээ.
Түүний хамгийн сүүлд гаргасан “I’m not here to make friends” дууны клип өөрийнх нь дотоод ертөнцийн илэрхийлэл болсон ч олон нийтийн зүгээс шүүмжлэл дагуулсаар байна.
https://news.zindaa.mn/4hw5
