“Victoria’s Secret” алдарт загварын шоугаа дахин шинэ хувилбараар эхлүүлнэ

“Victoria’s Secret” алдарт загварын шоугаа  шинэ хувилбараар дахин загварын тайзнаа гаргахаар төлөвлөж байгаа ажээ. Дотуур хувцасны компанийн санхүүгийн захирал Тим Жонсон энэ сарын 6-ны өдрийн дөрөвдүгээр улирлын орлогын тайлангийн үеэр энэ тухай мэдээг хуваалцжээ. Жонсон “Бид бизнест хөрөнгө оруулалт хийх, мөн загварын шоуны шинэ хувилбарыг дэмжихийн тулд маркетингийн зардлаа нэмэгдүүлэх болно” гэжээ. “Victoria’s Secret” шоуны талаар дэлгэрэнгүй мэдээллийг энэ оны сүүлээр хуваалцах аж. Мэдэгдэлд “Бид өмнө нь хуваалцаж байсанчлан, бидний шинэ брэндийн хэтийн төлөв, эрхэм зорилго нь бидний чиглүүлэх зарчим хэвээр байх болно. Энэ нь биднийг өнөөг хүртэл хамгийн шилдэг маркетинг, зугаа цэнгэлийн шинж чанаруудыг эргүүлэн авч, шинэ орон зайд хөтөлнө”  гэжээ. Викториа Секрет гоо сайхны хор хөнөөлтэй стандарт тогтоосон гэх мэт олон маргаантай шүүмжлэлд өртсөний дараа дахин шинээр эхлэх гэж буй нь энэ юм. Дотуур хувцасны жижиглэнгийн худалдааны толгой компани болох “L Brands” 2019 оноос хойш нэг ч шоу хийгээгүй байгаа билээ.

https://www.usatoday.com/story/entertainment/2023/03/06/victorias-secret-fashion-show-return-new-version/11411487002/