Монгол мисс бүсгүй Дубайд дэлхийн дизайнеруудыг хуйлруулж байна. М.Дашбалжид тэмцээний одтой чадварлаг модель. Өнгөрсөн 11 дүгээр сард “Middle east fashion show”-нд оролцохоор Дубайд очсон бүсгүй олноос шилэгдэн тэндээ бараг суурьшчихлаа.
Хүүхдийн загварын шоуны шүүгчээр ажилласан тэрбээр “Women of the Universe Beauty pageant” тэмцээнд оролцон шагнал авч амжлаа. Олон улсын дизайнерууд Монгол бүсгүйн ур чадвар, гоо сайхныг бишрэн хувцсаа ээлж дараалан өмсүүлж байна. Хамгийн тансаг хувцаслалт нь БНСУ-ын алдарт дизайнер Grace Moon түүнийг нүүр царайгаараа сонгосон төдийгүй, Египтийн дизайнер Haneylbehairy урласан коллекц доторх 10 мянган ам.доллараар зарагддаг гоёлын даашинз олны харцыг булааж байлаа.
Парисын шоу ч Дубайд зохион байгуулагдаж нүд гялбуулж байгаа нь дэлхийн загварын төв энд 2023 онд болохыг илтгэж байх шиг. Монгол моделиуд хилийн чанадад амжилтын буухиагаа олонтаа үргэлжлүүлдэг ч М.Дашбалжидын амжилт өндөр босго тавьж байна. Mrs.Glam world 2022 тэмцээний титмийн эзэн мисс бүсгүй аль нэг агентлагт харъяалагддаггүй биеэ даасан байдлаараа бусдаас ялгардаг. Монголд тийм ч тод гялалзах боломжгүй миссийн амьдрал, алдар хүнд, зэрэг зиндаа, үнэлэмж доогуур байх нь бий. Нэг ч гэсэн монгол модель дэлхийн тавцанд од болон гялалзаж чадвараа үнэлүүлж байгаа нь бахдам сайхан хэрэг.
