Дэлхий даяар пластик мэс засал газар авсаар байна. Олон улсын гоо сайхны пластик мэс заслын нийгэмлэгийн мэдээлснээр Америк болон Европын орнууд гоо сайхны мэс заслаар дэлхийд тэргүүлдэг байна. Олон нийтийн дунд Азиуд гоо сайхны мэс засал их хийлгэдэг гэсэн ойлголт бий. Тэгвэл ISAPS.org сайтын статистикт үндэслэн жилд пластик хагалгаагаараа АНУ тэргүүлж байна. Дэлхийд гоо сайхны пластик мэс заслаар тэргүүлдэг орнуудтай танилцъя.
1. АНУ
2021 оны байдлаар АНУ-ын оршин суугчид дэлхийн нийт гоо сайхны пластик мэс засал хийлгэсэн хүмүүсийн 24.1 хувийг эзэлж байна.
Нийт мэс засал хийлгэсэн хүний тоо: 1,992,296
Мэс заслын бус үйл ажиллагаа: 5,355,604
Нийт: 7,347,900
Дэлхийд эзлэх хувь: 24.1 хувь
2. Бразил
Пластик гоо сайхны хагалгаагаараа Бразил АНУ-ын араас бичигдэж байна. Өмнөд Америкийн хамгийн том улсад дэлхийн бүх гоо сайхны процедурын 8.9 хувийг гүйцэтгэжээ.
Нийт мэс засал хийлгэсэн хүний тоо: 1,634,220
Мэс заслын бус мэс засал: 1,089,420
Нийт: 2,723,640
Дэлхийд эзлэх хувь: 8.9 хувь
3. Япон
Япон улс 2020 онд гоо сайхны хагалгаараа дэлхийд эхний 10-т багтдаггүй байсан ч 2021 онд нийт мэс заслын 5.7 хувийг тус улсад хийжээ.
Мэс засал хийлгэсэн хүний тоо: 265,733
Мэс заслын бус үйл ажиллагаа: 1,479,888
Нийт: 1,745,621
Дэлхийн нийт хувь: 5.7 хувь
4. Мексик
Олон улсын гоо сайхны пластик мэс заслын нийгэмлэгийн мэдээлснээр Мексик улсад гоо сайхны мэс засал хийлгэхээр гадаадаас ирдэг хүний тоо олон байжээ.
Нийт мэс заслын тоо: 672,683
Мэс заслын бус үйл ажиллагаа: 597,923
Нийт: 1,270,605
Дэлхийн нийт хувь: 4.2 хувь
5. Герман
Нийт мэс заслын тоо: 385,906
Мэс заслын бус мэс засал: 536,150
Нийт: 1,082,892
Дэлхийн нийт хувь: 3.6 хувь
Харин жагсаалтын зургаад Аргентин, долоод Турк, наймд Энэтхэг, есдүгээрт Итали, аравдугаарт Колумб оржээ.
Хамгийн алдартай гоо сайхны мэс засал бол хөх томруулах мэс засал юм. Дэлхий даяар жилд 1,658,673 удаагийн хөх томруулах мэс ажилбар хийгддэг байна.
