Хэйли Бибер “The Sunday Times” сонинд өгсөн ярилцлагадаа хүүхэдтэй болохоос эмээж байгаа шалтгаанынхаа талаар ярьсан байна. Тэрбээр “Би хүүхэдтэй болохыг маш их хүсдэг ч айдаг. Хүмүүс миний нөхөр эсвэл найз нөхдийн тухай ярихад л хангалттай. Хүүхдийн минь талаар хүмүүс ярина гэхээр би төсөөлж ч чадахгүй байна” гэжээ. Хэйли Бибер Селена Гомезыг шоолж байна гэж буруутгагдаж, цахим доромжлол, үзэн ядалтад өртсөн бөгөөд Хэйлиг заналхийлж байгааг сонсоод Селена хүртэл тайлбар хийсэн юм. Селена тэр үед “Instagram” хуудастаа “Энэ бол миний төлөө хийж байгаа зүйл биш. Хэн ч үзэн ядалт, дээрэлхэлтэд өртөх ёсгүй. Би үргэлж сайхан сэтгэлийг сурталчилж ирсэн бөгөөд энэ бүхнийг зогсоохыг үнэхээр хүсэж байна” хэмээн бичиж байсан юм. Хейли тэр үеийг амьдралынхаа хамгийн гунигтай, хамгийн хэцүү мөчүүд гэж тодорхойлсон. Тэрбээр “The Sunday Times” сонинд өгсөн ярилцлагадаа “Заримдаа би зүгээр л даяанч болохыг хүсдэг” хэмээжээ.
https://www.yahoo.com/lifestyle/hailey-bieber-says-shes-scared-205247985.html
