Канадын дуучин The Weeknd олон нийтийн сүлжээн дэх хаягаа жинхэнэ нэр болох Абел Тесфайе болгон өөрчиллөө. Дуучин өнгөрсөн дөрөвдүгээр сард твиттер хуудсаараа дамжуулан шүтэн бишрэгчдээсээ нэрээ солих эсэхийг асуусан юм.
Үүний өмнө “W Magazine” сэтгүүлд ярилцлага өгөхдөө The Weeknd-ийн хувьд чадах бүхнээ хийсэн тул уран бүтээлийн нэрээ өөрчилнө хэмээн өгүүлж байв.
Торонто хотод Этиоп цагаачдын гэр бүлд төрсөн Тесфайе 2010 онд анхны дуунуудаа YouTube-д байршуулснаар олоны анхааралд өртөж эхэлжээ. Замналынхаа туршид тэрээр дөрвөн Грэмми шагнал хүртэж, хөгжмийн олон дээд амжилтыг эвдсэн.
2023 оны гуравдугаар сарын байдлаар Spotify дээр сард 114 сая хүн дууг нь сонсдог анхны уран бүтээлч болжээ.
