Шакирагийн экс нөхөр Жерар Пике өнгөрсөн нэгдүгээр сард шинэ найз бүсгүй Клара Чиа Мартитайгаа хамт албан ёсны инстаграм хаягаа нээсэн. Үүнээс хойш зураг оруулаагүй байсан тэд анх удаагаа хамтдаа авахуулсан зургаа нийтэлжээ.
Найз бүсгүйгээ өвөр дээрээ суулган тун ч дотно зургаа авахуулсан Жерар Пикегийн энэхүү зураг дор Шакирагийн шүтэн бишрэгчид сэтгэгдэл үлдээж эхэлжээ. Тэд хосуудыг ёс зүйтэй байхыг шаардаж, амьдралаа нууцлахыг зөвлөжээ.
36 настай Пике болон 24 настай загвар өмсөгч Клара Чиа нар гэр бүлээс гадуурх харилцаа үүсгэсэн гэх шүүмжлэлд өнөөг хүртэл өртсөөр буй. Үүнийг үл тоон олны нүдэн дээр ийнхүү хамт гэдгээ харуулсаар байгаа тэд “бусдын юу гэх тийм ч чухал биш” хэмээх хариулт өгчээ.
Дуучин Шакирагийн хувьд жүжигчин Том Крузтэй болзооны цуурхалд өртөөд байгаа билээ.