Шивээсээр гангардаг, түүгээр имижээ бүрдүүлсэн одод олон бий. Гэвч энэ үйлдэл нь бүтэлгүйтсэн болон, огтхон ч зохиогүй одод бий. Шүтэн бишрэгчдээсээ тааруухан шивээстэй гэсэн үнэлгээ авсан оддыг танилцуулж байна.
- Скарлет Йохансоны баруун хавирган дээр байдаг “Чи азтай” гэсэн шивээс түүнд аз авчирсан нь юу л бол. Хамгийн тааруухан бөгөөд ядруухан шивээстэй оддын тоонд түүнийг оруулсан энэ шивээсийг тэрээр 2005 онд хийлгэж байжээ.
- Жүжигчин Меган Фоксын баруун гарын шуун дээрх Мерилин Монрогийн шивээс түүнийг 2009 онд л чимсэн байх. Харин түүнээс хойш олны таашаалыг хүртсэн нь тун ч цөөхөн гэнэ. Тиймээс тэрээр шивээсээ энэ оны эхээр арилгуулсан ажээ. Тэрээр дахин шивээс хийлгэх талаар ч бодох ч үгүй гэж хэлсэн байна. Учир нь Мерилин Монро түүнийг их өвтгөсөн гэдэг.
- Холливудын супер од Анжелина Жоли зүүн гарынхаа булчин дээр түүний зургаан хүүхдийн төрсөн газруудын хоорондын зай, уртраг, өргөрөгийн хэмжээ бүхий тоонууд байдаг. Мөн түүний экс нөхөр Билли Бобын нэр байсан бөгөөд түүнийг арилгуулсан аж. Хэдийгээр түүний шивээс утга төгөлдөр хэдий ч үзэмж муутайд тооцогддог юм байна.
- Хайдин Панеттигийн нуруун дээр италиар “Хүндлэлгүй амьдрал гэж үгүй” гэсэн шивээс бий. Шивээсний утга мөн л сайхан боловч өнгө болон бичгийн хэв муутай хэмээн шүүмжлэл авчээ.
- Супер модел Хайди Клумын баруун гарын шуун дээрх нугалсан зураас бүхий шивээс нь түүний нөхөр асан Сил, харин дөрвөн од нь тэдний дөрвөн хүүхдийг илэрхийлсэн шивээс юм. Гэвч бас л тааруухан үзэмжтэй шивээснүүдийн нэгд орсон байна.
- Жүжигчин, хэргийн эзэн Линдсей Лохан бас л муухай шивээстэй оддын тоог нэмж байна. Түүний баруун гарын долоовор хурууны дотор талд “Shhh” гэсэн шивээс бий. Гэвч энэ шивээс нь түүний санаа биш. Тэрээр энэ шивээсээ 2009 онд дуучин Рианнаг дууриаж хйисэн ажээ.
- Мили Кайрусийг чихээ чимэх дуртай гэдэг нь түүний чихэн дээрх шивээснээс харж болно. Тэрээр баруун чихэн дээрээ “ Love” гэж шивүүлсэн байдаг нь энэ үгийг сонсохыг хүсдэг гэсэн шар мэдээ тарахад хүрсэн юм. 2010 онд шивүүлсэн энэ шивээс нь түүний онцгой гангараа байж чадсангүй ээ.
- Кейт Гослин 15 настайдаа зүүн хөл дээрээ Пух баавгай шивүүлж байсан нь түүний хийсэн тэнэг алхмуудын нэг байсан хэмээн тэр өөрөө ч хүлээн зөвшөөрдөг.
- Дуучин Бритни зүүн гарынхаа шуун дээр хос шоо шивүүлж байсан нь түүний зургаан настайдаа хийсэн алдаа. Түүний энэ шивээс одоо хэр байгаа бөгөөд тэрээр хос шоогоо хоёр хүүгээ бэлгэдсэн гэж ярьжээ.
- Дуучин Пинкийг эмэгтэй дуучдаас хамгийн их шивээстэй нь гэж хэлж болно. Эдгээр шивээсүүд нь түүний хувьд бүгд л их гүн гүнзгий утга учиртай. Гэвч түүний тусламж гуйсан шивээс хамгийн муу нь.
- Кристиан Риккигийн нуруун дээрх арслангийн толгойн шивээсийн хараад инээд нь хүрдэггүй хүн байдаггүй гэнэ. Түүний найз нөхөд ч тэр шүтэн бишрэгчид нь ч тэр үүнтэй санал нэг байдаг. Үсийг нь “ваксдсан” арслангийн шивээс рейтинг муутай явна.
- Жүжигчин Жонни Деппийн баруун мөрөн дээрх индианы толгойн шивээс хамгийн хуучин шивээсний тоонд оржээ. Тэрээр энэ шивээсийг 1993 онд хийлгэж байв.
- Дуучин Кешагийн доод уруулын дотор талд “Үүнийг хөх” гэсэн шивээс бий. Гэвч энэ нь тэр бүр харагдаад байдаггүй. Тиймээс үнэлгээ авч чадаагүй ажээ.
- Дин МакДермотын эхнэрийнхээ хөргийг шивүүлсэн нь цагийн урсгалд хуучирч түүний эхнэрийг тун ч онцгүй харагдуулах болжээ.
- Э.Мөнхнасан /Shuud.mn/