Уран бүтээлээрээ хүүхэд залуусыг байлдан дагуулж буй уран бүтээлчдийн нэг реппэр Rookie буюу У.Мөнхбагана эхнэрээ зодсон байж болзошгүй нөхцөл байдал тогтоогджээ.
Энэхүү хэргийн тухай цагдаагийн байгууллагаас “Цагдаагийн байгууллагад 2023 оны есдүгээр сарын 27-ны өдөр Хан-Уул дүүргийн 11-р хорооны нутаг дэвсгэрт байрлах хотхоны тоотод “Маргаан болоод байна” гэх дуудлага, мэдээлэл бүртгэгдсэн. Тус дүүргийн цагдаагийн газрын нэгдүгээр хэлтсээс 26 настай, эрэгтэй “М” гэгч нь гэр бүлийн хамаарал бүхий харилцаатай хүнийг зодсон байж болзошгүй үйлдлийг гомдол, мэдээллийн бүртгэлд аван шалгаж байна” хэмээн мэдээллээ.
Реппэр Rookie өмнө нь хар тамхины хэрэгт холбогдон хорих ялаар шийтгүүлж байсан нэгэн. Мөн реппэр Loce-г зодсон хэрэгт холбогдож байсан тэрээр энэ удаад гэр бүлийнхээ гишүүнийг зодсон байж болзошгүй нөхцөл байдал тогтоогдоод байгаа ажээ.
