Гей хүмүүс их нарийн мэдрэмжтэй байдаг

Бэлгийн цөөнх болох гей залуутай ярилцлаа. Ярилцагчаа хүндэтгэж, нэр ажлыг нь нууцлав.

-Та илэн далангүй ярилцахад бэлэн үү?

-Тийм ээ, чин сэтгэлээсээ ярилцахад бэлэн байна.

-Ижил хүйстэн гэдгээ хэдийд мэдэв?

-Ер нь л мэдээ орохоосоо л мэдэрсэн. Одоо бодоод байхад дунд сургуульд байхдаа илүү ихээр мэдэрч байсан. 1990-ээд онд интернэт орчин байхгүй болохоор мэдээлэл муутай их ганцаарддаг байлаа. Өөрийгөө ойлгохгүй гаж юм байна даа гэж боддог байв. Биеийн тамирын хичээлд ороход их хэцүү. Ангийн хөвгүүд нүцгэлэхээр байж суух газраа олохгүй нүүр улайгаад л. Ариун цэврийн өрөө оръё гээд л сүүлд нь хувцсаа сольж ордог байлаа. Их хэцүү шүү. Нэг удаа найзындаа “сэтгэцийн өвчин” гэдэг ном уншихад сексийн сэтгэцийн өвчнүүдийн талаар бичсэн байсан. Уг номд ижил хүйстэнтэй явалдах өвчин эмчлэгдэхгүй гэж байсныг олж уншаад өөрийгөө өвчтэй юм байна гэж бодоод амиа хорлох гэж оролдсон. Тэгээд бөөн нойрсуулах эм уусан ч нөлөөлөөгүй хордлого болсон. Тэр үеэ бодоход инээд хүрдэг. Яагаад гэвэл энэ өвчин биш юм билээ. Сэтгэл зүйч эмч нарын нотолж буйгаар энэ нь сүүн тэжээлт амьтан бүхэнд тохиолддог жирийн нэгэн үзэгдэл бөгөөд ийм өргөн их хэмжээний зүйлийг гаж гэх нь буруу гэж үзээд сэтгэцийн өвчний жагсаалтаас 1976 онд хассан байдаг. Юугаа ч мэдэхгүй, учраа олохгүй тэнэг зүйл хийж байжээ.

 -Уучлаарай, ХДХВ-ийн халдвартай хүмүүсийн дийлэнх нь ижил хүйстнүүд байдаг гэсэн. Яагаад тэр вэ?

-Гей залуус, бэлгийн цөөнх эрсдэлт бүлэг гэж ярьдаг. Бидэнд мэдээлэл өгч, шинжилгээнд байнга хамрагдах боломжтой гурван төрийн бус байгууллага үйл ажиллагаагаа явуулж байна. Тэд сайн ажиллаж буйн үр дүн болов уу. Учир нь далд нуугдмал байгаа залуусын өвчнийг илрүүлэх шинжилгээнд хамруулна гэдэг амар зүйл биш. Монголын нийт хүн амыг нэг бүрчлэн хамруулбал хэцүүхэн тоо гарах байх. Гей залуус маш идэвхтэй, сайн дурын үндсэн дээр шинжилгээнд хамрагддаг. Манай залуус ямар нэг эрсдэлтэй харьцаанд орсон бол заавал шинжилгээ өгөх хэрэгтэй. Ихэнх залуус эмч дээр очихоос ичдэг. Ичихгүйгээр тохиолдлын бэлгийн харьцаанд орсон юм чинь эмч дээр очихоос ичих шаардлага байхгүй. Эмч нар ч бидний хувийн нууцыг хадгалах үүрэгтэй шүү дээ.

-Таны амьдралын хамгийн хүнд үе хэзээ байв?

-Өөрийгөө хүлээн зөвшөөрөх л хамгийн хэцүү байсан. Харин өөрийгөө хүлээн зөвшөөрсний хүчинд сэтгэл тайван болж, цаашид юу хийж хэрхэн амьдрахаа шийдэж чадсан. Би шууд биш далд утгаар аажим аажмаар өөрийгөө гей гэж ойлгуулж хүлээн зөвшөөрүүлж чадсан. Одоо бол ойр дотнын хүмүүс, найз нөхөд маань гей гэдэг утгаар бус хүн гэдгээр нь хүндэтгэн чөлөөтэй харьцдаг болсон.

-Найз залуутай юу?

-Хайрлаж явдаг хүн байлгүй яахав.

 -Ижил хүйстнүүд замбараагүй бэлгийн хавьталд ордог гэж сонссон. Үнэн үү, үнэн бол яагаад?

-Замбараагүй гэдэг үгтэй санал нийлэхгүй юм байна. Олон хүчин зүйлээс шалтгаалаад бэлгийн хавьтагчаа ойр ойрхон сольдог гэж боддог. Тухайлбал, хардах, сэтгэл санаа нийлэхгүй, сексийн хувьд таарахгүй ч юм уу. Ер нь л гей залуус их дурламтгай. Дандаа гоё сайхан зүйлд дурлаж явдаг. Тэр утгаараа сайхан залуу болгонд дурлана шүү.

 -Таны нэг өдөр хэрхэн өнгөрдөг вэ?

-Олон зүйл сонирхдог болохоор их завгүй өнгөрдөг. Хаана сонирхолтой юм байна, тэнд би явж л байдаг. Хийж бүтээж байгаа үед цаг зав тун бага.

-Манайх ДОХ-гүй орон болох боломж бий юу?

-Эрүүл мэндийн салбарын зөв бодлого, хүртээмж чухал. Мөн хувь хүний ухамсартай салшгүй холбоотой. Эрүүл мэндийн салбар гей залуусын дунд халдвар илүү тархаж байгааг анхаарч тэдэн рүү чиглэсэн үйл ажиллагаа явуулдаг, төрийн бус байгууллагуудыг дэмжиж ажиллах хэрэгтэй гэж боддог. Ер нь төрийн байгууллагын дэмжлэг сул юм билээ.

-Таны ойр дотныхонд ХДХВ-ийн халдвартай хүн бий юу?

-Байхгүй ээ. Зүс таних хүмүүс дунд бий.

 -Ихэнх гей залуу бэлгийн чиг баримжаагаа нуудаг гэсэн?

-Найз нөхөд, гэр бүлийнхэн нь мэддэг залуу олон байдаг. Энэ нь тэднийг өөртөө итгэлтэй явахад дэм болдог гэж боддог. Нийгэмд ил гарсан хүн цөөн. Би тэдний зоригийг үнэлдэг. Хүмүүс өнөөдөр гей залуусын талаар сайн, муу янз бүрийн л мэдээлэлтэй байна. Харин зөв мэдээлэл, ойлголтыг сэтгүүлчид өгч байх хэрэгтэй. Гэтэл зарим сонин, цахим хуудсын сэтгүүлчид их бүдүүлэг алдаа гаргадаг. Өөрийгөө хүлээн зөвшөөрч зарлаагүй байхад хүнийг сонссоноороо бэлгийн чиг баримжааг нь зарладаг. Гэвч энэ нь тухайн хүнийг цусгүй “алж” байгаа хэрэг.

 -Уучлаарай, нууц биш бол Та сексийн асуудлаа хэрхэн зохицуулдаг вэ?

-Найз залуутайгаа л. Энэ хэт хувийн чанартай асуулт болохоор илүү нарийн яримааргүй байна.

 -Танд дурласан бүсгүй байдаг уу. Тэднийг хэрхэн хүлээн авдаг вэ, том алаг нүдэнд дурлахгүй хэн байх билээ. Сайхны өмнө харц буруугүй гэдэг?

-Би тийм ч сайхан биш. Гэхдээ нүдэнд дулаахан харцтай шүү. Дунд сургуульд сурч байхад нэг охин миний араас “гүйдэг” байлаа. Их хэцүү. “Чи намайг огт тоохгүй юм” гэж уйлаад л. Харин би ангийнхаа нэг хөвгүүнд сайн болчихсон шаналаад явж байдаг. Би тэр охинд “Уучлаарай, надад хайртай хүн байдаг” гэж хэлсэн. Би эмэгтэй хүмүүстэй найзлах дуртай. Тэд бүх зүйлийн талаар чөлөөтэй ярьдаг. Эрчүүдийн сэдэв цөөн ч гэсэн тэдэнтэй байх хөгжилтэй шүү.

-Гей атлаа гэр бүлтэй, хүүхэдтэй хүн олон байдаг гэсэн?

-Тийм шүү. Тэдний өмнө маш хүнд асуудлууд тулгардаг. Тэд гэр бүл, үр хүүхдэдээ сайн аав, сайхан хань байхаас гадна өөрийнхөө дотоод хүний асуудлаа шийднэ. Ийм хүмүүс ганц нэг итгэлтэй хүнтэй хааяа нэг уулзах сонирхолтой байдаг. Манай хүн ам цөөн болохоор уулзахаас эмээдэг юм билээ.

-Хүн хувь тавилангаа өөрөө сонгодоггүй. Та төрөлхийн ижил хүйстэн болсон хувь заяандаа хааяа гомддог уу?

-Анх би яах гэж, яагаад гэж боддог байлаа. Харин одоо өөр. Би хэдийгээр гей ч гэсэн бусдаас ялгарах юу ч байхгүй. Би хүн болж төрсөндөө л баярладаг. Нэг л олдох амьдрал юм чинь бусдад гэмгүй жаргалтай амьдрах хэрэгтэй гэж боддог.

 -Та эмэгтэй хүний хувцас өмсч гадуур хааяа ч гэсэн явдаг уу?

-Гей гэхээр л эмэгтэйлэг хувцаслаж гадуур явдаг гэж ойлговол дэндүү өрөөсгөл.

-Таныг үйлэнд уран гэж сонссон юм байна?

-Гей хүмүүс их нарийн мэдрэмжтэй байдаг. Тиймдээ ч урлаг, уран сайхан дизайнер, үсчин, гоо сайхан гээд нарийн мэргэжилд илүүтэй ажилладаг. Би чамгүй сайн оёдолчин.

Б.Анхцэцэг
раскруткапродвижениеaracerскачать программу для взлома вайфая на телефонбампер на айфон 4взять займ на карту через интернетbingo online 10 gratisdubai escort 100Ruby casinoпутевка в танзанию ценавзять кредитную карту мгновеннообразец заявления на получение займасрочно нужны деньги без справокаруша сафаривосхождение на килиманджаро маршрут марангу отзывысафари стоимость altezza travelадвокат ценытовары для дома в бакуэль путевка египетcertified language translationgoogle translate english to russian wordsулучшение имиджаnoirot конвекторы официальный сайтслепое зондирование магнезиейраскрутка сайтов


Гей хүмүүс их нарийн мэдрэмжтэй байдаг
Жиргэх
Манай хуудсанд LIKE дарж нэгдэнэ үү

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.