УИХ-ын гишvvн, Өргөдөл гомдлын байнгын хорооны дарга Р.Бурмаатай улс төргvй энгийн сэдвээр ярилцлаа.
-УИХ-ын чуулганыг тvр завсарлуулчихаад байна. Та ямар ажилд анхаарлаа хандуулж байна даа?
-Байнгын хорооныхоо ажлыг төвлөрч хийж байна. Энэ ажилтай уялдуулаад дvрэм журам боловсруулахаас эхлvvлээд хөдөө орон нутагт ажиллах хуваарьтай байгаа. Иргэдэд хууль сурталчлах зорилгоор зарим аймагт ажиллах юм.
-Өмнө нь парламентыг гаднаас нь харж, дуу хоолойгоо хvргэдэг байсан. Одоо дотор нь ороод ажиллахаар ямар санагдаж байна вэ?
-Цаг наргvй, маш их ачаалалтай ажилладаг юм байна. Нөгөөтэйгvvр олон ажлыг нэг зэрэг хийж амжуулах шаардлагатай байдгийг ойлгосон. Орон нутгийн сонгуулийн хуулийн төслийн ажлын хэсгээр ахлагчаар ажилласан. Vvний дараа УИХ-ын сонгуулийн тухай хуульд нэмэлт өөрчлөлт оруулах зэрэг хэд хэдэн төсөлд хамтарч ажиллаад байна. Мөн эмэгтэй гишvvдтэйгээ хамтарч цэцэрлэгийн хvvхдийн хоолны мөнгийг нэмэгдvvлэх талаар тодорхой ажил хийлээ.
-Эмэгтэй гишvvдтэйгээ уулзаж буу халах цаг зав гарч байна уу. Зарим зvйл дээр асуух зөвлөх зvйл гарна биз?
-Энэ их ажлынхаа хажуугаар амжуулахыг л боддог юм. Чуулганы танхимд бид хэд ойролцоо суудаг болохоор мэдээлэл солилцож амждаг шvv.
-Таныг электроникийн инженер мэргэжилтэй гэж сонссон. Эмэгтэй хvнд ахадсан мэргэжил юм шиг санагддаг. Мэргэжлээ сонгоход тань хэн нэгэн нөлөөлсөн vv. Эсвэл…?
-Намайг дунд сургууль төгсч байх vед их, дээд сургуулиудын хуваарийг хvvхдvvдийг сурлагаар нь жагсаагаад өгдөг байлаа. Би математикийн хичээлдээ сайн хvvхэд байсан л даа. Тооны сонгоны ангид явдаг учраас олимпиадад байнга оролцоно. Тэгээд математикийн хичээлд арай ойр гэдэг vvднээс электроникийн инженер, тооцон бодох машины ангийн хуваарь авч Болгар руу сургуульд явсан юм.
-Сургуулиа төгсч ирээд ажлын гараагаа хаанаас эхэлж байв?
-1982 онд Болгарын Софи хотын Техникийн их сургууль төгсч ирээд Шинжлэх ухааны академийн Физик технологийн хvрээлэнд эрдэм шинжилгээний ажилтан хийж байгаад 1988 оноос “Монел” фирмд зохион бvтээгч инженерээр ажилласан. 1992 оноос “Нийгмийн Дэвшил Эмэгтэйчvvд хөдөлгөөн”-ийг vvсгэн байгуулж тэргvvнээр нь ажиллаж байгаад 1997 онд “Сонгогчдын боловсрол” төвийг байгуулсан юм. 1989 оноос улс төрд орж, АН-ыг анх vvсэн байгуулагдаж байхад нь гар бие оролцож байлаа.
-Зохион бvтээгч инженер гэхээр юу хийдэг юм бэ?
-Электроникийн бvхий л төрлийн багаж хийдэг байсан юм. Энэ бvхнийг мэргэжилтнvvдтэйгээ хамтарч хийж байлаа.
-Таны бага нас хаана өнгөрсөн бэ. Айлын хэд дэх хvvхэд вэ?
-Би Улаанбаатар хотод төрж, өссөн. Ерөнхий боловсролын 52 дугаар дунд сургуулийг төгссөн. Эхээс тавуулаа. Хоёр дахь нь би. Аав, ээж хоёр маань Дорнод аймгийн Баян-Уул сумынх. Нутагтаа амьдарч байгаад дээхнэ vед хотод ирж суурьшсан. Хоёулаа багш мэргэжилтэй. Аав маань уулын спортын мастер, ээж маань цанын спортоор хичээллэж байгаад хожим нь багш болсон. Өнгөрсөн жил Монголд уулын спорт vvсч хөгжсөний 60 жилийн ой болоход хамгийн анх ууланд авирч байсан тамирчдаас амьд сэрvvн байгаа нь миний аав байсан учир тус холбооноос хvндэтгэл vзvvлсэн.
-Та чөлөөт цагаараа юу хийдэг вэ. Таны хобби?
-Тvvхэн сэдэвтэй кино vзэж, ном унших дуртай. Явсан улс орныхоо байгаль, vзэсгэлэнт газрыг харуулсан зураг, альбом цуглуулдаг хоббитой. Гэхдээ сvvлийн vед зав л гарвал аав, ээж хоёр дээрээ очихыг бодох болсон. Тэд маань нэлээд өндөр настай болсон болохоор цаг зав гаргахгvй бол болохгvй шvv дээ. Бас хvvхдvvдтэйгээ баяр ёслолоор уулзаж, бассейнд орохыг хичээдэг юм. Гэхдээ тэр болгон зав гарахгvй л юм.
-Та хэдэн хvvхэдтэй вэ. Хvvхдvvдийг тань өндөр боловсрол эзэмшсэн гэж сонссон.
– Хоёр хvvтэй, гурван ачтай. Хvvхдvvд маань бизнесийн салбарт ажилладаг. Тухайн салбартаа өөрсдийнхөө ажлыг хийгээд явж байна даа.
-Байнга олны нvдэнд ил байдаг улстөрч эмэгтэйчvvд гоо сайхандаа нэлээн анхаардаг юм шиг санагддаг. Та гоо сайхны салоноор vйлчлvvлдэг vv?
-Яг тэр, энэ салоноор vйлчлvvлнэ гээд яваад байдаггvй. Манай бэр гоо сайхны салон ажиллуулдаг юм. Зав гарсан vедээ тэнд очиж vйлчлvvлдэг.
АРДЧИЛАЛ СОНИН