Жил бүр НҮБ-аас дэлхийн хүн амын байдал түүний хөгжил зэргийг олон нийтэд танилцуулдаг. Энэ жилийн хувьд НҮБ-ын Хүн амын сан “Энэ оны дэлхийн хүн амын байдал гэр бүл төлөвлөвт” гэх сэдвээр НҮБ, ЭМЯ, хамтран хэвлэлийхэнд мэдээлэл өглөө. НҮБ-ын хүн амын сангийн суурин төлөөлөгч хүн амын асуудлаарх тусгай зөвлөх Ч.Даваасүрэн, НҮБХАС-ийн суурин төлөөлөгч Аржентина Матавел Пиччин, УИХ-ын гишүүн Хүн амын хөгжил нийгмийн хамгааллын сайд С.Эрдэнэ, Эрүүл мэндийн дэд сайд Ж.Амарсанаа нар хамтран мэдэгдэл хийлээ. Жил бүр гаргадаг уг тайлан нь дэлхийн хүн амын хөгжилтэй холбоотой чухал сэдвүүдийг хөнддөгөөрөө онцлог.
Энэ жилийн тайлан эх хүүхдийн эрүүл мэнд, охид эмэгтэйчүүдийн бүтээмжийг сайжруулах гол хүчин зүйл нь гэр бүл төлөвлөлт болохыг онцолсон гэдгээ хэлж байлаа. Энэ жилийн тайлан эх, хүүхдийн эрүүл мэнд, охид эмэгтэйчүүдийн бүтээмжийг сайжруулахад оршино гэлээ.
Дэлхийн хүн амын байдал тайланд дурьдсанаар дэлхий дахинаа 22 сая эмэгтэй гэр бүл төлөвлөлтийн найдвартай чанартай үйлчилгээ, мэдээлэл хангалт хүртэж чадалгүй хүсээгүй жирэмслэлтэд өртөх магадлалтай гэж үзсэн байна. Иймээс гэр бүл төлөвлөлтөд ихээхэн хэмжээний хөрөнгө оруулалт хийхийг уг тайланд уриалаад, гэр бол төлөвлөлтийг хангаснаар ядуурал буурч эрүүл мэнд сайжирч, хүйсийн тэгш байдал бий болно гэж үзэж байгаа юм.
Б.ЕСӨНЦАГААН