Мэрилин Монро хорвоог орхиод 50 он улирсан байтал өдий хүртэл түүний алдар нэр өнөө үеийн оддоос дутахгүй дуурсагдсаар байна. Алдарт “Плэйбой” сэтгүүл түүний гэгээн дурсгалд зориулж гэрэл зургийнхаа арвин цуглуулгаас цөөн хэдийг нь ирэх сарын шинэ дугаартаа нийтэлжээ. Плэйбой сэтгүүлийн анхны “cover girl” болж нүүрийг нь чимж байсан учраас “Playboy”-н эзэн Хью Хефнер түүнийг хүндэтгэж ээлжит дугаараа түүний дурсгалд зориулжээ.
Плэйбой сэтгүүлтэй олон жил хамтран ажилласны хувьд Мэрилин Монрогийн хэдэн сая зураг тус сэтгүүлийн архивт хадгалагдаж байдаг аж. Сэтгүүлийн эрхлэгч энэ тухай ярихдаа “Мэрилин Монрогийн залуу цагийн зурагнаас эхлээд хорвоог орхихынх нь өмнөхөн хүртэл авсан гэрэл зургийн бүхэл бүтэн цуглуулгаа бид анх удаа уншигчдадаа өргөн танилцуулж байна” гэжээ.
Тэдгээр зургийн заримыг нь кино зураг авалтын үеэр, заримыг нь гэртээ унтаж байх үеэр гээд янз бүрийн нөхцөл байдалд авч байснаас нэрт жүжигчнийг амиа алдахаас хоёрхон хоногийн өмнө авсан зураг хүртэл байгаа аж.
Мэрилин Монро буюу жүжигчин Норма Жин 1962 оны наймдугаар сард учир битүүлгээр хорвоог орхисон юм.
1962 он-Энэ бол түүний хамгийн сүүлд авахуулсан нүцгэн зураг
Плэйбой сэтгүүлийн хамгийн анхны дугаар
ЭХ СУРВАЛЖ: ASSA.MN
