Би 29 настай нөхөр хүүгийн хамт амьдардаг бөгөөд одоо 4 сартай жирэмсэн. Нөхөртэйгөө 8 жил болж байна. Анх нөхөртэйгөө найзийнхаа төрсөн өдрийг тэмдэглэж яваад танилцаж билээ. Хүү маань одоо 2 настай бид 2 хүүтэй болоход хадмууд маань байр өгч нэг гэрт орж амьдралаа төвхнүүлсэн юм. Нөхөр маань хувиара ажил эрхэлдэг болохоор ерөнхийдөө чөлөөт зав ихтэй харин би нэгэн хувийн компанид ажилладаг байлаа, жирэмсэн болоод л ажлаасаа гарсан л даа. Манай нөхрийг харсан хүн болгон л даруухан сайн залуу гэнэ анхандаа ч тийм л байсан л даа. Гэвч бид 2 хамт нэг гэрт ороод л асуудлууд ар араасаа гарч ирэх болсон.
Нөхөр маань өөр хүүхнүүдтэй орооцолдох болсон урьд нь ч тийм байсан юм билээ тэрийг нь би сүүлд л мэдсэн юм. Хүүгээ гарснаас хойш би гэр орны ажил, хүүхдээ өсгөх гээд л ар гэрийнхээ бүх л ажлыг хийнэ. Нөхөр маань нэг ч удаа хүүхдээ шөнө уйлахад авч үзээгүй бүр нөгөө өрөөнд тусдаа унтдаг болсон. Би маш их ядардаг байлаа гэвч нөхөр хүүхэдтэйгээ сайхан амьдарна гэсэн итгэл надад урам өгдөг байлаа. Нөхөр маань гадуур найз нөхөд гээд л явах их дуртай ер нь зугаа цэнгэлд их дуртай хүн л дээ хийж байгаа ажил нь тийм ч хэцүү биш бөгөөд ихэнхдээ л бараг зүгээр сууж байдаг юм.
Би хүүгээ харсаар гэрээсээ ч гарах зав гардаггүй байлаа тэгсээр надад уулзаж учрах найз нөхөд ч байхаа болилоо. Бид 2 санхүүгийн хувьд тийм ч хангалттай биш бөгөөд би хэзээ ч нөхрөөсөө илүүг хүсч зовоохыг хүсээгүй аль болох байгаагаараа юмыг болгохыг л хүсдэг байлаа. Би түүнийг хэзээ ч халамж хайраар дутаагаагүй гэж өөрийгөө боддог мэдэхгүй л юм. Гэтэл түрүү жилийн өвөл найзтайгаа нийлээд гадуур архи уух нь их болж сүүлдээ гэртээ хонохгүй буудалд хонох болсон бас өөр эмэгтэй хүнтэй уулздаг болсон байсан л даа. Гэртээ хонолгүй ирэхээр нь би түүнээс хаана хоносон талаар асуухад өөрөө надад буудалд хоносон тухайгаа хэлсэн л дээ.
Тэгээд би түүнтэй муудалцаж хэрүүл болох үед тэр намайг нүүр нүдгүй зогсохоо мэдэхгүй алгадаад л байсан би зугтаж нөгөө өрөөндоо ортол хаалгыг маань эвдэн орж ирээд бас цохиж эхэлсэн би түүнд голдоо ортлоо гомдож байлаа эрчүүд яагаад эмэгтэй хүнд гар хүрдэг юм бол…
Хүүхдийг нь гаргаж өгч өөрийг нь хайрлаж халамжилж явсан хүнийг зүгээр л зодож болдог юм гэжүү? Үүний дараа хүү маань хатгаа авч нээх удалгүй эмнэлэгт хэвтсэн нөхөр маань хэд хоног сахиж байгаад бас л гадуур зугаа хөөгөөд алга болсон би хүүгээ сахиад хааяа өөрөө хоолгүй хонох үе ч байлаа, маш их сэтгэлээр унаж хүүгээ ч өрөвдөж байлаа.
Үүний дараа би түүнээс салахаар шийдэж ээж дээрээ хүүгээ аваад очсон боловч тэр араас минь гуйж миний буруу энэ тэр гэсээр би хүүгээ ч бодоод буцаад нийлэхээр шийдсэн. Тэрнээс хойш хэсэг хугацаанд гайгүй л амьдарч байлаа. Гэвч дахиад л нөгөө хүүхэн шуухан дахиад л нөгөө зугаа хөөсөн ааш араншин н гарч эхэлсэн хадам ээж маань хүртэл хүүгээ л өмөөрнө. Сүүлдээ хадам ээж маань манай ээж рүү утасдаж танай охин чинь бэлэн байранд орчоод аятайхан амьдарч чадку байна хэмээн ээж рүү минь утасдаж хэл ам хийх болсон. Ээж маань байнга л чи наадахаасаа боль одоо гэртээ ир гэнэ гэвч би одоо жирэмсэн надад 2 хүүхэдтэй хоцрох үнэхээр хүнд байна.
Одоо ч гэсэн нөхөр маань хэрэлдэхээрээ надад гар хүрнэ бүр чамайг алаад хаячих юмсан гэх мэтээр янз бүрээр хараадаг болсон. Бид 2 нэг гэрт байж тэр нөгөө өрөөнд ороод бараг гарч ирдэг ч үгүй тэндээ тусдаа унтдаг. Би маш их дарамтанд орж сүүлдээ үр хөндүүлэх гээд эмнэлэг ч орж байсан гэтэл томорсон байна гээд эмч нар дургүй байна лээ. Би ч гэсэн цаг нь тулвал үүнийг хийж чадахгүй юм байна лээ. Одоо надад маш хүнд хэцүү байна яаж энэ байдлаас гарахаа үнэхээр мэдэхгүй юм даа…
Эх сурвалж: секс.мн
