“Wonder Girls” хамтлагийн ахлагч Сон Е хуримаа хийх өдөр, цагаа товложээ. Тэрбээр нэгдүгээр сарын 26-нд жил гаруйн хугацаанд үерхсэн Канад Улсын иргэн, солонгос гэр бүлээс гаралтай найз залуутайгаа хуримаа хийхээр болсон байна. Мөн түүний ирээдүйн хадам аав ээж нь тэдэнд зориулан амьдрах байр бэлтгэж өгсөн тухай Солонгосын SBS телевизээр гарчээ. Сон Е нь өдгөө 23 настай бол түүний найз залуу 28 настай гэнэ.Солонгосын ододтой харьцуулбал хэт залуудаа гэр бүл болж байгаа нь бусад залуу дуучинд муугаар нөлөөлж магадгүй хэмээн түүнийг буруутгах хүн олон байна. 2007 онд үүсгэн байгуулагдсан “Wonder Girls” хамтлагийн ахлагч Сон Е хуримаа хийснээр хамтлагаасаа гарах тухай асуудал сөхөгдөж байгаа ч, хамтлагийн бусад гишүүн уг мэдээллийг үгүйсгэжээ. Тус хамтлаг нь Солонгосын охидын хамтлагаас Америкийн зах зээлд гарсан анхны хамтлаг ажээ.
Г.СҮРЭН
