СОНИН ХАЧИН мэдээллийнхээ үргэлжлэл болгон санаатай болон санаандгүй санаанд оромгүй жигтэй олон тохиолдлоор биедээ элдвийн зүйлсийг “тээж” явсан хачирхалтай тохиолдлуудын талаарх багц мэдээллийг сонирхуулж байна.
1. Ихрийн “шимэгч” өрөөсөн
9 сартай жирэмсэн мэт харагдахын зэрэгцээ амьсгалахад тун бэрх хачирхалтай тохиолдлоор нилээд удаан шаналж явсан Энэтхэгийн иргэн Санжей Багатад ийм нэгэн явдал 1999 онд тохиож байжээ. Тухайн үед 36 настай байсан тэрээр эхийн хэвлийд байхдаа ихэр байсан бөгөөд анагаах ухааны түүхэнд 100 орчим бүртгэгдсэн байдаг ховор тохиолдлоор ихрийн өрөөсөн нь түүний биед “шимэгчлэн” амьдардаг мутант болж хувирчээ.
Өдөр ирэх бүрийд бие нь тавгүйтсэн Санжей Мумбай дахь Тата Мемориал эмнэлэгт хагалгаанд орсон бөгөөд мэс ажилбарыг гардан хийсэн эмч Ажей Мехтагийн хэлснээр түүний гэдэснээс дутуу бүрэлдсэн бэлэг эрхтэн, үс, дөрвөн мөч, эрүү гэх мэт жигтэй биеийн хэсгүүд гарсан ба гар ба хөл нь маш сайн хөгжсөний зэрэгцээ хумс нь жигтэйхэн урт ургасан байсан байна. Санжей гэдсэндээ чухам юу байсныг мэдэхийг огтхон ч хүсээгүйн дээр эмч нарын таамаглаж байснаас илүүтэй хачирхалтай зүйлс гарсан нь анагаах ухааны түүхэн эх ээлжит сонин байлаа.
2. Шулуун гэдэс ба бэлгэвчтэй эд зүйлс
Флоридагийн шоронгийн хоригдол Нэйл Лансин тамхи, шүдэнз, тариур, уруул өнгөлөгчний сав, оксикодон эм тэргүүтэй 30 зүйлийг “анус”-андаа хийж шоронд орохыг завдсан тохиолдол өнгөрсөн жил гарсан бөгөөд тэрээр эдгээр зүйлсийг бэлгэвчинд хийжээ. Сэтгэцийн элдэв эмгэггүй эрүүл нэгэн түүний эл үйлдэл олныг багагүй цочроосон нь илт…
3. Амьд мэлхий ба харх
Мэлхий болон хархыг амьдаар нь залгих нь ходоод гэдэсний элдэв эмгэгийг анагаах, элдэв өвчлөлөөс урьдчилан сэргийлдэг сайн талтай хэмээн үзэж Хятадын иргэн Ян Динкай 40 гаруй жил модны мэлхий болон хархаар хооллодог байсан гэнэ. Дан ганц хархаар зогсохгүй хулгана болон хулганын гөлчгийгөөр ч хооллодог тэрээр өдөрт 20 хулгана идэж байсан тохиолдол бий ажээ. Энэ талаартухайн үед 66 настай байсан (2007 он) Жиан Мьюшен гэх буурай хэвлэлийнхэнд ярьсан бөгөөд Ян Динкай-ийн хэлснээр ходоод гэдэсний эмгэгээсээ ийнхүү ангижирсан тохиолдол байдаг байна.
4. “Бөөн” үс
Одоогоос 5 жилийн өмнө Америкийн Нью Ингланд мужийн 18 настай охины гэдэснээс “бөөн” үс гарсан тохиолдол тус мужийн “The New England Journal of Medicine” сэтгүүлд нийтлэгджээ. Хэвлийдээ 4.5 кг орчим бөөн “үс” тээж явсан тэрээр тураалд орж гүйцээд байсан ба өөрийнхөө үсийг идэх “трикопажаяа” зуршилтай нэгэн байсан байна. Эмнэлэгт 5 хоноод гэртээ гарсан охин удалгүй хэвийн жинтэй болсон ба хугацаа алдсан бол “идсэн” бөөн үс нь гэдсийг бүхэлд нь бүрхэх аюултай байсан ажээ.
5. Бүгдийг идэгч “Мишель Лотито”
16 настайгаасаа санаанд багтамгүй эд зүйлс идэх “хобби”-той болж, үүнийгээ олныг алмайруулах энтертайнмент үзүүлбэрийн түвшинд хүргэсэн Францын уран бүтээлч Мишель Лотито (1950 – 2007) 1959 – 1997 онд нийт 9 гаран тонн металл эд зүйл идсэн гэнэ. Эдгээр зүйлүүдэд унадаг дугуй 18, дэлгүүрийн бараа зөөвөрлөдөг тэрэг – 15, зурагт – 7, лааны суурь – 6, ор – 2, онгоц – 1 (1.5 тонн жинтэй), авс – 1, ган гинж – 400 м, мөн хагарсан чийдэн, дарсны хундага зэрэг маш олон зүйл ордог бөгөөд эрдэмтэд түүний эл гайхам зуршлын нарийн учгийг одоо ч тайлаагүй хэвээр байдаг ажээ.
6. Тархины хавдар ба Өт
Гар нь хөшингөтөж, хараа нь муудах болсон Финиксийн иргэн Рөүзмэри Алварез гэх эмэгтэйг эмч нар хэд хэдэн удаагийн нарийн шинжилгээний дүнд тархины хавдартай хэмээн оношилж тэрээр тархины хавдраа авахуулах мэс ажилбар хийлгэхээр болжээ. Гэтэл санаанд оромгүй хачирхалтай явдал мэс ажилбарын үеэр тохиолдсон нь хавдар биш харин “өт” хорхой байсан явдал байлаа. Ингээд хагалгаа амжилттай болж Рөүзмэри одоо эрүүл саруул, элдэв шаналангүй амьдарч байгаа ажээ. Энэ бүхний эцэст тэрээр “Гараа сайн угаа, гараа л сайн угаа” гэж хэлэхийг хүсч байсан байна. (2008 он)
БУСАД:
7. Фломастр
Их Британий 76 настай (2010 он) эмэгтэй гэдэс нь гүйлгэж суулгалт өгөхийн сацуу тураалд орж байгаа гэсэн оноштойгоор эмнэлэгт ханджээ. Эмч нар нарийн шинжилгээ хийж түүний гэдсэнд “фломастр” буюу маркер байгааг илрүүлжээ. Хачирхалтай нь тэр эмэгтэй “фломастр” тээн яваагаа мэдэлгүй 25 жилийг үдсэн байсан байна. Цаашилбал, мэс ажилбараар гаргаж авсан фломастр нь зүв зүгээр гарч байсан нь бүр сонин тохиолдол байжээ.
8. Зоосны цуглуулга
Одоогоос яг нэг жилийн өмнө болсон эл явдал 28 настай Кулешвар Сингхтэй холбоотой бөгөөд эмч нар түүний “ходоод”-ноос 5.8 кг жинтэй зоос, төмрөн зүйлсийг гарган авчээ. Үүнд, зоос – 421, түлхүүр – 3, унадаг дугуйн эрэг шураг – 19, загасчлах хэрэгсэл – 197 зэрэг байсан гэнэ. Ингээд эмч нарын эцсийн дүгнэлтээр Сингх шизофрени болон вок, саван тэргүүтэй элдвийг идэх “PICA” өвчтэй болохыг тогтоожээ.
9. Мэсний “сэт”
Их Британий “The Daily Mail” цахим мэдээллийн санд нийтлэгдсэн бас нэгэн хачирхалтай тохиолдол бол 52 настай (2009он)Маргарет Даалмэн гэх эмэгтэйд хийгдсэн мэс ажилбарын үр дүн юм. Эмч нар түүний “ходоод”-ноос 78 төрлийн халбага, сэрээ, хутга мэсийг гарган авчээ.
10. Соронз ба Төмөр бөмбөлөг
Чихэр гэж андуурч их хэмжээгээр идсэнээс улбаатай дараах тохиолдол Индиана мужийн Хэйли Лентс хэмээх 8 настай охинд тохиолджээ. (2009 он) Тэрээр ээжийгээ нөгөө өрөөнд байхад нь энэ мэт төмөр бөмбөлөг, соронз идсээр эцэст нь хагалгаа хийлгэж эмч нар түүний биеэс 20 төмөр бөмбөлөг, 10 соронз гарган авсан байна.
Хачирхалтай буса тохиолдлуудад бургуйтай цементийг найз охиныхоо “анус” руу хийсэн болон үнэр дарагч шингэний савыг анусандаа хийсэн гэх мэтчилэн санаатай болон санаандгүй элдэв тохиолдлууд цөөнгүй байх аж.
PLAYSKULL.MN
