Христийн шашин шүтдэггүй ч гэсэн, Зул сарын уур амьсгал ороод ирэхээр л /үнэндээ дөнгөж 12 сар гарангуут/ ажил дээрээ ирээд өдөржин энэ “хар цагаан” кинотой үеийн жазз дуунуудыг сонсох нь бүр зуршил шиг болчихжээ. Ил галын дэргэд оймсоо өлгөж, улаан хамартай Рудольфийн тухай үлгэр уншиж, бяцхан байшингаа гэрлээр чимэглэх Зул сарын тухай мөрөөдлөө нуугаад яахав. Энэ гэгээлэг баярын уур амьсгалыг чамд ч бас аваачмаар байна.
Merry Christmas and a Happy New Year! Hohoho!
1. Brenda Lee-Rocking around a Christmas tree
Сонсохоор л жаахаан хөвгүүний сахлын хөөс анх удаа түрхэж үзчихээд хацраа алгадаж байгаа киноны хэсэг санаанд ороод байдаг юм. “Гэртээ ганцаараа”!
Дурын газар өлгөсөн цагаан борз /mistletoe/-ны доор
Дурлалт хосууд албаар очиж зогсоно
2. Dean Martin-Winter Wonderland
Хөх өнгийн дууч шувуухай нисэн одсон ч
Хүрээд иржээ, шинэхэн шувуухай
Шидэт өвлийн орноор
Хамтдаа алхах зуур
Шинэхэн шувуухай бидэнд
Хайрын дуу дуулж өгнө
3. Dean Martin-Let it snow
Тавтай нойрсоорой гэж хэлээд чамайгаа үнсэхдээ
Танайхаас гараад шуурган дундуур алхахаас эмээж байлаа
Гэхдээ хэрэв чи намайг чанга гэгч нь тэврэх юм бол
Гэртээ харих замдаа би сэтгэлээрээ өөрийгөө дулаацуулчихна
4. Eartha Kitt-Santa baby
Зул сарын хамгийн сахилгагүй, “яахаас ч буцахгүй” дуу бол энэ. Эмэгтэйчүүд бидний “шуугий” дуусах биш дээ, ямар. Гэхдээ жилийн турш сайн охин байсныхаа шагналыг нэхэх нь юу нь тийм буруу гэж?
Санта, хонгор минь
Саатай гацуурын минь доор булган шуба тавьчихаарай
Жилийн турш сайн охин байсны минь төлөө
Жингэнэдэг гацуураараа хурдан хүрээд ир ээ.
5. Bing Crosby-It’s beginning to look lot like Christmas
Тэнд эндгүй Зул сар харагдаад байна
Дэлгүүр бүрт тоглоомнууд өрөөстэй
Гэхдээ энэ бүгдээс хамгийн сайхан нь
Гэрийн чинь үүдэн дэх балуу мод /holly/ биш гэж үү?
6. Amy Grant-Sleigh Ride
Чарганы хонх жингэнэж,
Жин жин хийж байгааг сонсов уу?
Хамтдаа чаргаар гулгахад
Хамгийн тохиромжтой өдөр биш байна гэж үү?
7. Bobby Helms-Jingle Bell Rock
Жингэнэх хонх, жингэнэх хонх, жингэнэх хонх бүжиглэнэ
Жингэнэх хонхны цагаар, жижиг хонх жингэнэнэ
Жингэнэх хонхны цан татуулсан талбайд
Жир бус хүмүүс дэгдэн бүжиглэнэ
8. Judy Garland-Have yourself a merry little christmas
Өөрөө өөртөө бяцхан зул сарыг бий болго,
Өр зүрхээ гэрэл гэгээгээр дүүргэ
Өнөөдрөөс эхлээд бидний амьдралаас
Өвчин зовлон алга болно гэдэгт итгэ
ЭХ СУРВАЛЖ: GOOLINGOO.MN
