Британийн дуучин Адель өөрийнхөө нэрийг худалдааны брэнд нэр болгон патент авчээ.
Дуучин нэрээрээ худалдааны бизнест хүч үзэх сонирхолтой байгаа гэдгээ ийнхүү маш ойлгомжтойгоор илэрхийллээ.
Алдартай дуучид нэрээ ихэвчлэн үнэртэн гоо сайхны бүтээгдэхүүнд ашигладаг. Тэрбээр нэрээ патентлаж авах болсон шалтгаанаа одоохондоо зүгээр л “Бусад зальжин наймаачид нэрийг минь ашиглаж, хэрэглэгчдийг хуурахаас сэргийлсэн” гэж тайлбарлаж байгаа.
Үнэхээр ч нэр ашигласан гэсэн хэргээс болж олон таагүй явдал гардаг юм байна. Дуучин Лэди Гага гэхэд л Lady Gaga брэндийн гоо сайхны бараа үйлдвэрлэсэн Excite Worldwide LLC компанийг өнгөрсөн eсдүгээр сард шүүхэд өгсөн юм.
