Америкийн “X Factor” реалити шоуны шүүгчээр ажиллаж буй дуучин Бритни Спирс, шоу бизнесийн могул Саймон Коуэлл нарын хооронд багагүй маргаан дэгдсэн гэнэ. 31 настай дуучин бүсгүй энэ талаар болон бусад асуудлаар TMZ сайтад ярилцлага өгчээ.
-Саймон Коуэлл таныг “X Factor”-ын шүүгчээр ажилласанд баяртай байсан. Гэхдээ тэр таныг маш уйтгартай гэж дүгнэсэн шүү дээ. Энэ нь таны хувьд цаашид шоуг орхих шалтгаан болох уу?
-Саймон юу ярих нь надад хамаагүй. Миний нэр хүнд 2000-аад оны эхний жилүүд шиг америкчуудын дунд өндөр байсан. Харин одоо буурсан нь тодорхой шүү дээ. Би уран бүтээлдээ төдийлөн анхаарахгүй байна. Дуучин хүний хувьд карьерын оргил үе гэж байдаг. Үүнтэй ижил.
-Нэг улирлыг шүүхэд 15 сая ам.долларын гэрээ байгуулсан. Хэрэв ийм хэмжээний мөнгийг ирэх онд байгуулбал та “X Factor”-ын шүүгчээр ажиллах уу?
-Миний гэрээ дуусаагүй байна. Яг одоо шийдвэр гаргах боломжгүй. Танд, надад ч мөнгө хэрэгтэй. Гэхдээ үргэлж 15 сая ам.долларын тухай боддоггүй. Дэми Лавата, Антонио нар надаас бага хэмжээний үнээр гэрээ байгуулсан. Хатуухан хэлэхэд, энэ бол тэднийг үнэлэх үнэлгээ юм.
-Та яагаад “X Factor” шоуг илүү бизнес тал руугаа хэлбийж байна гэж дүгнэсэн юм бэ. Шударга явагдахгүй байна гэж үү?
-Би өмнө нь энэ шоуг хамгийн шударга явагддаг гэж бодож байсан. Оролцогчдыг шоу бизнест хөл тавихад яах аргагүй дамжин өнгөрөх буудал болдог. Харамсалтай нь “Америкийн шүтээн” шиг бизнес тал руугаа хэтэрхий анхаарч байна. Америкийн авьяаслаг жирийн иргэн энэ шоунд оролцоод түрүүлж чадахгүй. Магадгүй эцсийн шат хүртэл өрсөлдөхөд багагүй мөнгө хэрэгтэй. “X Factor” яг ийм зарчимтай байгааг үгүйсгэхгүй.
-Энэ таны хардалт уу?
-Бодит байдал шүү дээ. Ямар ч реалити шоу эхний дугаарууд нь шударга явагдсанаар үзэгчдийг хүндэтгэлийг хүлээдэг. Хэсэг хугацааны дараа шоу гол зорилгоо умартдаг. Энэ бол үзэгчээ алдах шалтгаан. Би Саймонд шоугаа шударга зарчмаар зохион байгуулаасай гэж хэлэхийг хүсэж байна.
-Нэгдүгээр улирлын “X Factor” шоуны шүүгчээр ажилласан Николь Шерзингер хэтэрхий шударга байв уу?
-Үгүй дээ, тэр гэрээний мөнгийг чамласан. Николь маш нэр хүндтэй, чадварлаг дуучин. Бас боломжийн продюссер шүү дээ. Харин Паула Абдуль асуудлыг хэтэрхий өөрийнхөөрөө шийдвэрлэх гэж улайрдаг учраас Саймонтой ойлголцож чадаагүй. Одоо “X Factor”-ын шүүгчдийн бүрэлдэхүүн дахин халаа сэлгээ хийгдвэл шоу нэр хүндээ улам алдана.
-Таны бодлоор Саймон мөнгөнд хэтэрхий донтсон хүн гэж үү?
-Тэр шоу бизнесийн хамгийн орлоготой продюссер шүү дээ. Тиймээс өөрийнх нь ямар ч шоу түүний хүссэн үр дүнг л үзүүлэх ёстой. Саймон үүнд маш хатуу ханддаг. “X Factor” үзэгчгүй болж байгаа нь түүний уян хатан байж чаддаггүйтэй холбоотой байх.
-Та “X Factor” шоуны шүүгчээр ажиллаад залхсан юм шиг санагдлаа?
-Энэ бол сонирхолтой ажил. Хэрэв жинхэнэ шударга өрсөлдөөн, шударга шүүлт явагдаж чадвал “X Factor” үзэгчдээ дахин олж авна. Энэ улирлын тэмцээний ялагч Тэт Стивенс бол кантри урсгалын шинэ үеийн хөгжлийг тодорхойлж байгаа. Тэр ялагч болсон нь “X Factor”-ыг “Америкийн шүтээн”-ийг бодвол шударга явагддаг гэдгийг нотолсон.
Мэдээний линк: http://entertainment.time.mn/content/23172.shtml
