Эрүүл мэндийн сайдын тушаалаар өнгөрсөн сарын 24-өөс гепатит А буюу шарын эсрэг дархлаажуулалтын вакциныг 2-14 насны хүүхдэд хийж эхэлсэн билээ.
Дархлаажуулалтын явц өнгөрсөн тав дахь өдрийн байдлаар нийслэл хотод 60.6 хувьтай байна. Энэ удаагийн дархлаажуулалтаар нийт 58 цэцэрлэг, 47 сургуулийн, 2-14 насны 71800 хүүхдийг хамруулах ёстой юм.
Мөн хөдөө орон нутагт дээрх насны хүүхдүүдийг дархлаажуулах ажил хийгдэж байгаа бөгөөд Дундговь, Баян- Өлгий аймгаас ирүүлсэн мэдээгээр 45-47 хувьтай явагдаж байгаа ажээ. Харин улирлын томуугийн вакцинд хамрагдагчид өнгөрсөн оны сүүлийн долоо хоногийн байдлаар 88.7 хувьтай байсан.
Аймгуудад 7409, нийслэлийн есөн дүүрэгт 3436 хамрагдсан бол ХӨСҮТ-ийн сайн дурын дархлаажуулалтын кабинет болон Улаанбаатар хотын 39 байгууллагад нийт 7641 хүн хамрагджээ.
НИЙГМИЙН ТОЛЬ
