Гэрэл зураг сонирходог хүн бүрт зориулсан Монголын анхны фото сэтгүүл “Mongolian photo news”-ийн шинэ дугаар худалдаанд гарлаа. Уламжлал ёсоор сэтгүүлийн дугаар бүрт хэвлэгддэг “ХХ зууны монгол” буланд Монгол Улсын анхны баатар Ш.Гонгорын намтар, түүх, ховор нандин зургууд хэвлэгдсэн бол “Гэрэл зурагчид түүх өгүүлнэ” буланд МОНЦАМЭ агентлагийн ахмад уран бүтээлч С.Батсүхийн уран бүтээл тэр дундаа Монгол хүн анх сансарт ниссэн үйл явдлыг гэрчлэх түүхэн зургууд манай сэтгүүлийн хуудаснаа мөнхөрлөө.
Мөн сэтгүүлийн энэ дугаараас дэлхийн загварын ертөнцөд өөрийн гэсэн өнгө төрхийг буй болгож чадсан Италийн алдарт гэрэл зурагчин Марио Тестиногийн гайхамшигт бүтээл, түүний гэрэл зурагтай холбогдсон сонирхолтой амьдралынх нь талаар шимтэн унших боломжтой.
Түүнчлэн манай сэтгүүлийн нийтлэлийн бодлогын хүрээнд, гэрэл зураг анхлан сонирхогчиддоо зориулан дугаар бүртээ хэвлэгддэг фото хичээл энэ дугаарт ч үргэлжилж байгаа бөгөөд манай ахмад гэрэл зурагчин М.Лхагвасүрэн багшийн Хөрөг зураг авах тухай цуврал хичээлийн төгсгөл гэх мэт олон сонирхолтой гэрэл зураг, нийтлэлүүд хэвлэгдэн гарлаа.