Нидерландын болон Америкийн алдарт жүжигчин Рутгер Уолсен Хауэр 1944 оны энэ өдөр мэндэлжээ.
Түүний эцэг, эх нь ч мөн жүжигчин байжээ. Аав Аренд нь нутгийнхаа урлагийн сургуульд багшилдаг байсан аж. Рутгер эцгээсээ жүжигчин хүнд байх ёстой олон зүйлийг сурсан тухайгаа хожим нь дурссан байдаг.
Тэрбээр бага байхдаа ихэд дүрсгүй, үргэлжид “хэрэг” тарьж явдаг хүүхэд байжээ. 15 настай байхдаа Рутгер гэрээсээ зугтан өвөөгийнхөө хөлөг онгоцон дээр очин жил гаруй амьдарчээ. Дараа нь сургуулиа төгсөөд хоёр жил цэргийн алба хаасан аж.
Түүний анхны уран бүтээл нь 1956 онд тоглосон “Асмодей” жүжиг байжээ. Харин Рутгерыг жинхэнэ ёсоор нэрд гаргасан кино бол “Флорикс” олон ангит кино юм. Тэрбээр кино урлагийн бүхий л төрөлд дүрээ мөнхөлжээ. Бүр эротик кинонд хүртэл тоглосон гэдэг. Түүний тоглосон кино 1974 онд шилдэг гадаад хэл дээрх кино номинацид нэр дэвшиж байсан удаатай.
О.Саша
ЭХ СУРВАЛЖ: НИЙГМИЙН ТОЛЬ
