Монгол Улсын гавьяат тамирчин Б.Гангаамаа ахлагчтай эмэгтэй уулчдын баг баасан гарагийн оройн байдлаар Өмнөд Америкийн Аконкагуа уулны 2950 метрийн өндөрт гараад байна.
Тэд Өмнөд Америкийн ноён оргилд авиралт хийхээр долоо хоногийн өмнө эх орноосоо мордсон.
Уулчид зорьсон газартаа хүрч, бэлтгэлээ базаан авиралтаа эхэлсэн тухай өчигдөр орой ирсэн мэдээнд “Бид өнөөдрөөс авиралтаа эхэллээ. Уулчдын биеийн байдал сайн. 2950 метр дээр байна. Үүнээс дээш холбоо барих боломжгүй. Аконкагуа уулнаас.” гэж уулчин Л.Гантулга мэдээллээ.
Дэлхийн ноён оргил Эверестэд төрийн далбаагаа мандуулж байсан Б.Гангаамаа ахлагчтай эмэгтэй уулчдын багт Л.Гантулга, Ч.Тэрбиш, Л.Наран / бүгд Эрдэнэт/, Д.Эрдэнэтогтох /Өмнөговь/ нарын тамирчид оролцож байгаа юм. Тэд өнгөрсөн жилийн сар шинийн өмнөхөн Африк тивийн ноён оргил Климанжаро ууланд авиралт хийсэн туршлагатай тамирчид билээ.
Д.Өлзий