Ердөө гучтайдаа Болдцэрэн мянгат малчин болсон аж. Тэднийх отор хийдэг ч сумын төвийн ойролцоо өвөлжиж хаварждаг ба өвлийн дөрвөн өрөө бүхий тоосгон байшинтай, унах машинтай. Гэхдээ ам бүл тав боловч хоёр хүүхэд нь түүнийх үү, Энхбаярынх уу гэдгийг тэр мэддэггүй. Хачирхууштай нь мэдэхийг ч хүсдэггүй гэнэ. Наймдугаар ангидаа хоёр найз хөвгүүн доод ангийнхаа Одончимэг гэдэг охинд хоёулаа сайн болчихжээ. Сургуульд сонирхолгүй болохоор нэг жил эцэг эхдээ тусалж мал харж байгаад цэргийн алба хаасан байна.
Халагдаад хоёулаа эцэг эх, ах дүүсээсээ хэдэн мал аваад дөрвөн ханатай гэр барьж гурван жил болсны хойно Одончимэгийг гэртээ авчирчээ. Албан ёсны бүртгэлд Болдцэрэн, Одончимэг хоёр нөхөр эхнэр гэж явдаг боловч Энхбаярын эхнэр нь бас Одончимэг гэнэ. Харин ах дүү, аав ээждээ бол Энхбаярыг туслах малчин, хамтран аж ахуй эрхлэгч гэж нэрлэжээ. Арван жил мал маллаад тэднийх мянгат малчин болсон ба одоо удахгүй хоёр мянгад хүрнэ. Болдцэрэн эхлээд Одончимэгийг гуйсан ба Энхбаярыгаа хамт амьдрахыг бас гуйсан аж. Тэр үеэс нутаг даяар нь тэднийхийг хоёр нөхөртэй Одончимэгийнх хэмээн нэрлэх болжээ.
Болдцэрэнгийн ярьснаар Одончимэгт хоёулаа хайртай учир сайн найз Энхбаяртаа “энэ бол бидний дундын эхнэр” гэж хэлж чадаагүй явж байтал Одноо нь өөрөө түүнд “би та хоёуланд чинь хайртай” хэмээн хэлсэн нь тийм шийдвэр гаргахад хүрчээ. Хоёр эртэй олон жил цуг амьдарч байгаа хүүхнийг хүмүүс хэрхэн сайнаар ярих вэ. Гэвч тэд бусдын үгийг огт үл тооно. Одончимэгийн эцэг эх, ах дүүс охиноо зүхэж харааж ургийн тангараг тасарсан бол хоёр найз эрийн эцэг эх, ах дүүс эхэндээ тэднээс холбоогоо тасалсан боловч хэдэн жилийн дараа тэдний хувь заяатай эвлэрсэн гэнэ. Сум нэгдлийн дарга нар нүүрэн дээрээ тэднийг нэрээр нь дуудавч нүднээс далд бол “хоёр нөхөрт”-ийнхөн л гэж нэрлэнэ. Ямартаа нэгэн сурвалжлагч ямар учиртайг нь мэдэлгүй “Хоёр нөхөрт гэж яасан сонин, содон нэр вэ. Ямар учиртай юм бэ” гэж асуугаад авсан удаатай. Одончимэг бүсгүйд хэн нэгнийг нь сонгох боломж байсан хэдий ч заавал хоёулантай нь амьдрах зориг гаргасан байдаг. Цэрэгт байхад тус тусад нь захиа бичнэ. Хэн хэнд нь хайртай тул гэрлэнэ гэдгээ хэлсэн төдийгүй харин хэнд нь ч “та хоёрт хоёуланд нь хайртай шүү” гэдгээ хэлж амжихгүй нилээд зүдэрчээ.
Харин Болдцэрэнгийн ярьснаар бол түүнд онгон биеэ эхэлж зориулсан бөгөөд ууган хүүхэд буюу охиноо “минийх” хэмээн бардам хэлнэ дээ. Харин мань эрийн ойлголтоор бага хүү нь Энхбаярынх бөгөөд их адилхан гэсэн. Бодит амьдрал дээр хоёр эхнэртэй эрчүүд цөөнгүй байдаг ч хоёр нөхөртэй хүүхэн цөөхөн. Байсан ч тэдний амьдрал тус тусдаа буюу нууц амрагийн холбоон дээр тогтсон байдаг. Тэгтэл Одончимэг гэдэг гуч гаруй насны малчин бүсгүйг хоёр нөхөртэйгөө хамт эв түнжинтэй аж төрж суугааг сонсоод мэл гайхаж, цэл хөхөрсөн юм. Энэ түүхийг эмнэлэгт арав хоног цуг хэвтсэн Болдцэрэн өөрөө ярьсан нь бас сонин.
Юунаас ч билээ бидний хооронд нууц амрагийн явдлын талаар ам халах үөэр Болдцэрэн огт түүртэлгүй “Миний авгай бас хоёр нөхөртэй” гэдэг байгаа. Эхлээд би түүнийг тохуурхаж байна гэж санасан ч тийм биш байлаа.
– Та хоёрын хэнд чинь та нарын эхнэр илүү хайртай вэ? гэж лавлахад ч,
– Яг адилхан гэж хариулсан. Үүнд нь би төдийлөн үнэмшээгүй л дээ. Тиймээс дахин тодруулахаар шийдэж билээ.
– Эхнэр чинь та хоёрын хэнтэй нь секс хийхдээ илүү сонирхолтой вэ? гэж шалгаахад Болдцэрэн бас л,
– Ив ижилхэн! гэж төвөггүй хариулсан юм. Ингэж хэнэггүй, ам бардаж хариулж буй эрийг яалтай вэ. Хоёр нөхөртөө хайртай байж болно. Гэхдээ аль нэг нь сексийн талаараа илүү дур хүслийг нь хангадаг байж таарна биз дээ. Энэ нь л миний сониуч занг их татаж байсан юм.
– Чи эхнэртэйгээ шөнө хонохдоо хэдэн удаа секстдэг вэ. Энхбаяр чинь бас хэдэн удаа унтдаг юм бэ? гэхэд Тэр чинь хувь хүний нууц гэсэн боловч би ятгасаар байгаад хариултыг нь авч дөнгөсөн. Зарим шөнө би тав зургаан удаа энгэр зөрүүлдэг. Гэвч заавал шөнө биш өглөө ч хийнэ, өдөр ч хийнэ. Хэзээ дур хүрнэ, хэдийд боломж гарна, тэр үед л хийнэ. Энхбаярын хувьд бас ижилхэн байх. Гэхдээ бид хоёр тус тусдаа өрөөтэй. Хүүхдүүд бас тусдаа өрөөтэй. Өдөр өдрөөр ээлжлээд Одоноо бид хоёрын өрөөнд ирж хонодог. Гэрт хүн ирж хоносон үед эхнэр маань хүүхдүүдтэйгээ унтдаг юм хэмээн Болдцэрэн ярьж байлаа. Хүүхдүүд нь тэднийг хоёуланг нь аав гэдэг байна. Мэдээж цагаан сарын үеэр жаахан зовлонтой болдог гэнэ. Тиймээс ээлж ээлжээр эцэг эхийндээ золгохоор очдог бөгөөд Одончимэг хэн хэнийд нь бэр болж айлчилдаг ажээ. Энэ үед л нутгийнхан нь жаахан гоочлонгуй тавлангуй байдаг болохоос бус дарга нар нь ямар нэг шаардлага тавьж зовоодоггүй гэнэ.
Уг нь бол “Хэн чинь жинхэнэ нөхөр нь вэ, түүнийгээ шийд. Тус тусдаа амьдарцгаа. Ялангуяа иргэн Ч.Одончимэг та сонголтоо хий” гэж шаардвал болохгүй гэх газаргүй. Гэтэл хэн ч тэгж дарамтлаагүй, зовоогоогүйг бодвол хөдөөнийхөн үнэхээр хээ баагүй, гуниггүй, гудиггүй хүмүүс бололтой. Тэгээд ч сайн малчдынхаа сэтгэлд юм хийчихвэл нутаг буруулаад явчихна гэж дарга нар нь бас бодсон биз. Хотоос ирсэн дарга даамал, сурвалжлагч нарт нэгийг нь туслах малчин гэж танилцуулдаг гэсэн шүү. Бололцоо олдвол очоорой гэж Болдцэрэн надад хэлсэн бөгөөд тэгэхдээ нэгэн нууц дэлгэсэн билээ. Тэр нь юу гэвэл мань эр тун удахгүй шинэ авгайтай болно гэдгээ ярьсан нь юм. Нөхөр нь хаяад хот орон руу одоод хэдэн жил болж байгаа нэг хүүхэнтэй Болдцэрэн жиг ургуулсан агаад Одончимэгийг зөвшөөрвөл гэртээ авчрах юм билээ. Хорвоод бас сэтгэлд багтахгүй, сонин явдал мэр сэр байдгийн нэг жишээ энэ буй за.
ЭХ СУРВАЛЖ: ХУВИЙН МӨРДӨГЧ
