Би өнгөрдөг 5 дахь өдөр эмнэлэгт очиж мазокийн шинжилгээ өгөөд трихомониаз гэсэн онош тавиулаад үнэхээр шоконд орчихоод байж байна. 3 жилийн өмнө халамцуудаа ажлынхаа найзтай тохиолдлын бэлгийн хавьталтанд орсон юм. Тэгээд тэрэнтэй ийм зүйл хэзээ ч болоогүй л мэт байя гэж тохиролцсон, харин түүнтэй унтсаны дараахнаас доошоогоо сайн харвал бага зэрэг ногоон туяатай юмуу гэмээр ээдмэг юм их хэмжээгээр гарж, загатнаж байгаад өөрөө аяндаа эдгэчихсэн. Элдэв үнэргүй ялгадас байсан. Ахиж давтаагүй, тэгээд би түүнийг мөөгөнцөр юм байна даа гэж бодоод эмнэлэгт үзүүлээгүй орхисон нь том алдаа болж л дээ.
Тэгээд түүнээс хойш анх жил гаран нэг залуутай үерхсэн, тухайн үед элдэв янзын асуудал гарж байгаагүй. Гэхдээ үе үе бага зэрэг цагаан юм ихсэх үе байх нь байсан ч загатнуулж барьдаггүй л байсан юм. Тэгээд сая 9 сараас хойш шинэ найз залуутай болсон юм, 10 сард дотно харьцаанд орсноос хойш байнга цистит хөдлөөд маш хэцүү байсан 4, 5-хан сарын дотор 7, 8 өвдсөн байх. Цистит хөдлөх тоолонд цагаан юм их гараад загатнуулаад байсан би ч дархлаа сулраад мөөгөнцөр ихсээд байна даа гэж бодоод ариун цэвэр сайн сахиад л хэд хоноод зүгээр болно, гадаадад байдаг болохоор эмчид үзүүлж чадалгүй явсаар одоог хүрлээ.
Тэгсэн сарын өмнөөс шахуу цистит хөдлөхтэй зэрэгцээд доошоогоо шар ногоон юм нилээн хурц үнэртэй гараад эхэлсэн. Тэгж байгаад л өөрөө гайгүй болчихоод байсан чинь сая хэд хоногийн өмнөөс ахиад эхлэхээр нь Монголдоо ирчихсэн юм чинь гээд бушуухан эмнэлэг ороод ийм онош тавиулчихаад сууж байна. Өнөөдрөөс эмчилгээгээ эхэлсэн, найз залуу маань Монголд ирээгүй тэндээ байгаа юм. Одоо би 2 сарын сүүлээр буцна. Одоо гол нь найз залуудаа яаж аятайхан хэлэх аргаа олохгүй бүр баларч байна аа. Яаж хэлэх вэ?
Тэр надтай үерхэхээсээ өмнө л ийм өвчтэй байсан байж магадгүй, эсвэл намайг хуурсан юмуу бүр гайхаад сууж байна. Ямар ч байсан эрчүүдэд шинж тэмдэг илрэхгүй байх нь их юм байна. Эсвэл олон жилийн өмнөх тэр тохиолдлын бэлгийн хавьтлын үед л авсах халдвар нь мөөгөнцөр биш энэ өвчин байсан юм болов уу?
Зиа, замбараагүй бичсэн захидлыг минь уншсанд баярлалаа, харааж ерөөхийн оронд асуултанд маань л хариулж өгвөл надад үнэхээр хэрэгтэй байна шүү…
Тэгэхээр ерөнхийдөө асуултууд маань:
1. Яавал найз залуутайгаа муудалцахгүйгээр, нэг нэгнээ буруутгахгүйгээр эвтэйхэн ойлголцож эмчилгээг нь хийлгүүлэх вэ?
2. Энэ өвчингийн үр дагаварыг сонсоод маш их цочирдсон, үнэхээр үргүйдэлд хүргэхдээ амархан гэж үү?
3. Энэ өвчин бүрэн эдгэрдэг үү?
4. Мөөгөнцөр, трихомониаз 2ын шинж тэмдгийн гол ялгаа нь юу вэ? Мөөгөнцөрийн үед ногоондуу туяатай ялгадас гарна гэж байх уу?
Ингээд эцэст нь залуусдаа хэлэхэд заавал бэлгэвч хэрэглэж, тохиолдлын бэлгийн хавьтлаас хол байхыг хүсч байна, үгүй бол үр дагавар ийм л байна….