Биеэрээ дүүрэн шивээс, нүдээрээ дүүрэн уянгатай энэ залуу уг нь тийм ч царайлаг биш. Дээрээс нь туранхай. Гэхдээ л тэр халуухан сахиусан тэнгэрүүдтэй болзож байсан “мундаг” залуу. Адам одоо гоцлол дуучныхаа хажуугаар NBC телевизийн “The Voice” тэмцээний шүүгчээр ажиллаж байна. Тэр Us Magazine сэтгүүлд өөрийгөө 20 өгүүлбэрээр илэрхийлжээ.
1. Миний хамгийн дуртай уран бүтээлч бол Принс болон Стив Вондер.
2. Би жүжигчин Жейк Желинхолтой бид хамт нэг сургуульд сурдаг байсан. Гэхдээ бид биенээ цэцэрлэгээсээ хойш мэддэг байлаа.
3. Би 7 жил йогоор хичээллэж байгаа.
4. Би бүхнээс илүү ээждээ хайртай.
5. Зөгий, аварга загас хоёроос хамгийн их айдаг.
6. Би зөвхөн мотоцикл унахыг л жинхэнэ адал явдал гэж үздэг.
7. Би коллежид огт суралцаагүй. Ямар нэгэн мэргэжил эзэмшээгүй гэсэн үг.
8. Би баранд орвол tequila л сонгодог.
9. Би хэзээ ч цай уудаггүй. Зөвхөн кофе л уудаг.
10. Би ном нэг их уншдаггүйдээ гэмшдэг. Гэхдээ огтхон ч уншдаггүй гэсэн үг биш.
11. Би дэндүү гэмээр ичимхий хүүхэд байсан.
12. Би 5 хэлээр чөлөөтэй ярьдаг болохыг хүсдэг. Гэвч би ганцхан л хэлээр ярьдаг.
13. Maroon 5 бол миний хоёр дахь хамтлаг. Өмнө нь би ахлах сургуульд хамтлагтай байлаа.
14. Надад супер баатруудын зурагтай дотуур хувцасны маш том цуглуулга байгаа.
15. Би чиний бодож байгаагаас ч олон шивээстэй.
16. Миний ээж тэр шивээсүүдийг үзэн яддаг.
17. Би өсвөр насандаа маш их батгатай байсан.
18. Миний төрсөн дүү ижил хүйстэн. Түүнийг 2 настай байхад бид энэ тухай мэдсэн. Би ижил хүйстнийг дэмждэг.
19. Миний найз бүсгүйг Бехати Принслүү гэдэг. /Тэд яг арван насны зөрүүтэй/
20. Хэрвээ би эмэгтэй байсан бол Брэд Питтийг сонгох байсан. Бүгд л түүнтэй секс хийхийг хүсдэг, үгүй гэж үү?
Сонирхолтой өвөрмөц залуугийн хамтлаг байгуулагдаад 18 жил болжээ. 1994-2000 он хүртэл Kara Flowers нэрээрээ уран бүтээлээ туурвидаг байсан юм. Анхны найз бүсгүйдээ хаягдаж, түүндээ зориулж дуу зохиож байсан Адам өнөөдөр Victoria Secret-ийн хамгийн сайхан бүсгүйчүүдийг сонгож үерхсээр байна.
