“Оранж ньюс” сайт нэгэн сонирхолтой судалгаа явуулжээ. “Хоёрдмол” амьдралтай эрчүүдийн дунд санал асуулга явуулсан байна. Нийт оролцогчдын дийлэнх нь гэгээн Валентины өдөр хууль ёсны эхнэрээсээ хоёр дахин их мөнгийг нууц амрагтаа зарцуулдаг болохыг судалгаагаар тогтоожээ. Судалгаанд эхнэрээ араар нь тавьдаг Их Британийн 3256 эрэгтэйг хамруулсан аж. Тэдний дунд явуулсан санал асуулгаар дийлэнх нь хоёрдугаар сарын 14-ний өдөр нууц амрагтаа 200-300 фунт стерлинг зарцуулдаг гэсэн бол хууль ёсны эхнэртээ ердөө 50-100 фунт стерлинг зориулдаг гэжээ. Ийм эрчүүд очир эрдэнийн шигтгээ бүхий бөгж болон дотуур хувцас нууц амрагтаа өгөхийг эрхэмлэдэг гэнэ. Харин гэргийдээ голдуу цэцэг, чихэр авч өгөөд л өнгөрдөг гэсэн байна. Арван эрэгтэйн долоо нь баярын өдөр нууц амрагтайгаа зочид буудалд уулзахаар төлөвлөдөг гэжээ. Ингэхдээ эхнэрүүддээ ажил дээр саатлаа гэсэн шалтгаан хэлдэг гэсэн байна. Ийм эрчүүдийн 15 хувь нь бриллиант, харин 11 хувь нь нууц амрагтаа дотуур хувцсыг бэлэглэдэг гэсэн байна.
Хэдийгээр хоёрдугаар сарыг албан ёсоор гэгээн Валентины өдөр гэж нэрлэдэг ч ихэнх тохиолдолд “Нууц амрагийн өдөр” хэмээн нэрийддэг байна. Сонирхуулахад, нөхрөө араар нь тавьдаг эмэгтэйчүүд харин ч эсрэгээрээ болохыг судлаачид онцолжээ. Эмэгтэйчүүд энэ өдөр нөхөртөө 200-300 фунт стерлинг зарцуулдаг бол нууц амрагтаа ердөө 50 фунт стерлинг зориулдаг гэсэн судалгаа байдаг байна.
www.dorgio.mn