Инээдмийн нэрт жүжигчин Стив Мартин, түүний эхнэр Энн Стрингфилд нар анхныхаа үрийн зулайг үнэрлэлээ. 67 настай Стив, 41 настай Стрингфилд нарын хувьд энэ нь анхны хүүхэд бөгөөд хосууд одоогоор шинэ хүнийхээ талаар ганц ч үг цухуйлгаагүй нууцалж байна.
Тэдний ойрын эх сурвалжаас авсан мэдээгээр хүүхэдтэй болохыг юу юунаас илүү хүсч байсан тэд үр удмаа залгуулахын төлөө ихээхэн хүчин чармайлт гаргасан гэнэ. Стив, Энн хоёр 2007 онд гэрлэсэн юм. Сонирхолтой нь Стивийн гэрт уригдсан хүмүүс хуриманд ирнэ чинээ төсөөлөөгүй тул ихэд гайхсан гэнэ лээ. Учир нь тэд гэрлэх тухайгаа хэнд ч хэлээгүй байсан бөгөөд зочид зүгээр л үдэшлэгт ирж байна хэмээн бодсон гэдэг.