Өнөөдрийн “Өглөөний сонин”-нд УИХ-ын гишүүн, “АПУ” компанийн Г.Батхүү болон түүний дүү нар Богд хааны музейн газраас “хумсалсаар” өдийг хүрсэн хэмээн нийтэлжээ. Уг нь Засгийн газрын 2001 оны 96 дугаар тогтоолд зааснаар Богд хааны музейн 5.7 га талбайг хэвээр нь байлгахаар баталсан байна. Гэтэл өдгөө музейн газрыг гурван компани эзэмших болсноор зогсохгүй түүний ихэнх хувь “АПУ”-гийн нэр дээр байдаг тухай бичжээ.
Музейн ажилтнууд газраа баталгаажуулж авахаар холбогдох газар хандсан ч энэ нь хэрэгжилгүй эсрэгээрээ “АПУ” компанид нэг хэсгийг нь эзэмшүүлжээ. Мөн музейн газрын 1.6 га газрыг “АПУ”-гийн охин компани эзэмшиж зуны цагт шар айрагны худалдаа хийдэг байна. Тэднийг хууль дүрмийн дагуу газар чөлөөлж өгөхийг олон удаа шаардсан ч гурван тэрбумын тохижилтын мөнгөө гаргуулахаас нааш газар чөлөөлөхгүй гэжээ.
Монголчууд төдийгүй дэлхийн сонорыг мялаадаг тус музейн газраас хэмлэн шар айрагны мухлаг, фитнесс клуб зэрэг байгуулсаар Богд хааны музейд нэг хүрэхгүй хувь нь ногдож байгаа аж.
http://www.mminfo.mn/content/40748.shtml?alias=society
