Дуучин Бритни Спирс өөртэйгөө адил од биш энгийн л нэгэн залуутай
үерхэж эхлээд удаагүй. Тэгвэл Бритнид үнэхээр энгийн нэгний амьдрал тун таалагдаж буй бололтой. Тэрээр хүү Жейден Жеймсийнхээ хөлбөмбөгийн тэмцээнд оролцож буйг очиж үзсэн байна. Олон хүүхэд Бритниг сонирхон гүйлдэж ирэхэд тэрээр нэгэн охиныг хацар дээр үнсэж харагджээ. Тэрээр олон хүмүүсийн дунд өвдгөө нугалан цугтаа суух зуур нэгэн гуйлгачин эр дөхөж очоод мөнгө гуйсан аж. “Би бүр тартагтаа тулчихлаа, надад туслаач” гэж гуйлгачныг хэлэхэд Бритни 20 “ногоон” цүнхнээсээ гаргаж өгчээ. Гэтэл цагдаа нар Бритнийг хамгаалахаар гүйлдэн ирж, өнөөх эрээс мөнгийг булаан буцаан өгөх гэтэл Бритни “Үгүй ээ, тэгэх хэрэггүй. Энэ хүнд наад мөнгөө өг өө. Би түүнд өгсөн юм” хэмээн хэлжээ. Энэхүү явдлын талаар өгүүлсэн Showbiz-ийнхэн “Заримдаа тэр гажигтай эмэгтэй шиг аашилдаг ч гэсэн зүрх сэтгэл нь ямартай ч байрандаа байгаа л юм байна” хэмээн дүгнэсэн байна.
