Энергийн ундаанууд цусны даралтыг ихэсгэж, зүрхний цохилтын хэмнэлийг жигд бус болгож, саатуулах зэргээр зүрхний эрүүл мэндэд сөргөөр нөлөөлдөг болохыг Америкийн зүрх судлалын нийгэмлэгийн 2013 оны шинжлэх ухааны зөвлөгөөнөөр, өмнө нь хэвлэгдсэн ажиглалтын болон хөндлөнгийн долоон судалгааны мэдээллийг судалж, тогтоожээ.
Уг нэгдсэн судалгааны эхний хэсэгт, судлаачид 1-3 лааз энергийн ундааг тогтмол хэрэглэдэг 93 хүнийг хамруулж, зүрхний цохилтынх нь давтамжийг судалж үзэхэд тэдний зүрхний цохилтын давтамж 10 миллисекундээс удаан байжээ.
Зүрхний цохилтын давтамж нь зүрхний бичлэг хийх үеийн зүрхний цохилтын хэмнэлийн сегментийг тодорхойлдог бөгөөд зүрхний цохилтын хэмнэлийн сегмент нь удаашрах үед зүрхний цохилт жигд бус болох, эсвэл зүрх гэнэт хаагддаг аж.
“Өвчтнүүдийн зүрхний цохилтын давтамж нь 30 миллисекундээс илүү байвал эмч нар маш ноцтойд тооцдог” гэж Калифорни муж улсын Номхон далайн их сургуулийн дэд профессор, ерөнхий эрхлэгч Сачин Шах хэлэв.
Судалгааны дараагийн шатанд 132 хүнийг хамруулан цусны даралтыг нь тогтооход дунджаар 3,5-аар их байжээ.
“Цусны өндөр даралттай, зүрхний цохилтынх нь давтамж удаан өвчтнүүд энергийн ундаа хэрэглэхгүй байх нь зүйтэй” гэж Сачин Шах зөвлөлөө.
aravt.mn