Та бүхэндээ энэ жил нээлтээ хийх дэлгэцийн “шилдэг” хэмээн онцолж байгаа кино ертөнцийн шинэхэн бүтээлүүдээс түүвэрлэн толилуулж байна.
Энэ удаа 4 – 8 сарыг дуустал нээлтээ хийх хүлээлт үүсгээд байгаа “Топ – 15” киног танилцуулахаар сонгосон бөгөөд нээлтээ хийх өдрийг “АНУ” дахь албан ёсны нээлтийн товоор авсан болно.
1. “Oblivion” / 2013.04.19
Том Крузийн гол дүрд нь тоглосон “Oblivion” киног Жозеф Косинки ба Арвид Нелсон нарын хамтран бичсэн “Oblivion” зохиолоос сэдэвлэн бүтээж байгаа бөгөөд ерөнхий найруулагчаар Косинки ажиллажээ. Кино зураг авалтыг АНУ ба Исландад авсан ба $130 сая доллараар бүтэж байгаа эл кинонд 2037 оны үйл явдал өрнөх юм. Сонирхуулахад Том Круз эл кинонд тоглох эсэхээ нилээд удаан бодож байж шийдсэн гэдэг.
Бодибилдингийн спортын гурван тамирчин залууст өрнөх адал явдлыг өгүүлэх энэ киног “Miami New Times” (1999) сонинд нийтлэгдэж байсан луйвар, гэмт хэргийн сэдэл бүхий нийтлэлээс санаа авч бүтээжээ. Энэхүү нийтлэлд бодибилдингийн гурван тамирчин залуугаас бүрдсэн гэмт бүлэглэлийн тухай гардаг ба эдгээрээс хоёр нь цаазаар авахуулах ял авдаг байна. Киног “Paramount Pictures” бүтээсэн бөгөөд гол дүрүүдэд Энтони Мэки, Марк Уолберг, Тони Шэлүб нарын нэрт жүжигчид тогложээ.
Хүлээлт үүсгээд байгаа кино жагсаалтад дээгүүрт бичигдээд байсан эл бүтээл “The Avengers”-ийн үргэлжлэл болж гарч байгаа бөгөөд “The Mandarin” гэх хүчирхэг өстөнтэй нүүр тулах Тони Старкийн адал явдлаар өрнөх ажээ. Кино багийнхан эл бүтээлээ тун удахгүй 3D форматад хувиргах сурагтай байгаа бөгөөд АНУ-д нээлтээ хийхээс өмнө Австрали, Шинэ Зеландын үзэгчдэд хүрэх юм байна.
4. “Star Trek Into Darkness” / 2013.05.17
“Оддын дайн” цувралын №12 дахь, “Star Trek 2009” киноны үргэлжлэл болох дэлгэцийн удаах бүтээл ирэх 5 сард нээлтээ хийнэ. Өмнөх ангиуд дээр ажиллаж байсан кино багийнхны ээлжит шинэ кинонд “USS Enterprise” хөлгийн ахмадуудын эх орноосоо урвасан бусармаг үйлдэл хийгээд эх дэлхий дээр өрнөх огторгуйн будлиантай үйл явдлуудыг өгүүлсэн бөгөөд энэ бүх замбараагүй байдлын эцэст мэдээж асуудалд гарцыг олно.
“Шарталт” цувралын төгсгөлийн анги болж гарч байгаа “комеди” бүтээл 2013.05.24-нд АНУ дахинаа нээлтээ хийх тов өгчээ. “IMDB”-гийн мэдээлснээр төгсгөлийн энэ ангид азаар ямар ч хурим, их сургуулийн зугаа цэнгэл өрнөхгүй ч Вүльфпэкт тохиолдох бас нэгэн адал явдал эхлэх ажээ.
Зургаа дахь цувралыг бүтээх ажил 2010 оноос эхэлсэн бөгөөд зураг авалтыг Шотланд, Лос Анжелес, Лондон болон Канарын арлууд дээр авсан байна. Энэ удаагийн ангид гол дүрийн залуус маань Өүвень Шоогоор ахлуулсан гэмт бүлэглэлтэй тэмцэх ажээ. Уран бүтээлчид маань киноныхоо удаах ангийн бэлтгэл ажилд аль хэдийнэ орсон бөгөөд ирэх жилийн зун гэхэд “The Fast & Furious VII” кино бэлэн болох ажээ.
7. “After Earth” / 2013.06.07Аав хүү алдартай уран бүтээлчид болох Уилл Смит ба Жэйдень Смит нарын гол дүрд нь тоглосон “1000 A.E. буюу After Earth” кино тун удахгүй нээлтээ хийх ажээ. Уилл Смит тус кинонд гол дүр бүтээхийн зэрэгцээ зохиолыг хамтран бичиж найруулж байгаа бөгөөд “I Shouldn’t Be Alive” шоу нэвтрүүлэг үзэж байхдаа зохиолынхоо санааг олжээ. Киноны зураг авалтын 50% нь “Sun Center Studios” студид хийгдсэн бөгөөд кино эффектийг чадварлагаар ашигласан сонирхолтой бүтээл болж байгаа юм байна.
“Superman” цувралын гол баатар “Superman”-ы тухай үнэн түүхийг өгүүлэх 2013 оны ээлжит шинэ кино ирэх 6 сард нээлтээ хийнэ. Гол дүрд буюу Кларк Кентийн дүрийг Хэнри Кэйвил бүтээсэн ба Кларк бол мөхсөн Криптон гарагаас дэлхийд илгээгдэж Жонатан ба Марта Кент нарт өргүүлсэн сэтгүүлч залуу юм. Цаг хугацаа өнгөрөхийн хэрээр Кларк өөрийгөө бусдаас өөр гэдгийг мэдэрч өөрийн гэсэн амьдрах өөр ертөнцийг эрэлхийлэх ажээ. Дэлхийг аюулд өртөхөд Кларк “Superman” болж дэлхийг хамгаалахаар эргэн ирдэг юм байна.
9. “Monsters University” / 2013.06.21
“Pixar Animation Studios” / “Walt Disney Pictures”-ийн хамтын уран бүтээл болох “Monster University” хүүхэлдэйн кинонд өмнөх ангиас даруй 10 жилийн өмнөх үйл явдал гарах ба энэ үед Майк ба Салли нар хараахан нөхөрлөж амжаагүй байсан юм. 2005 онд хоёрдугаар ангийг нь бүтээх санааг сэдчихсэн байсан ч хойшлогдсоор ийнхүү энэ жил нээлтээ хийж байна.
Энэхүү киног амьд үхдэлүүд буюу Зомбинуудын тухай бичдэг зохиолч Макс Брүүксийн “World War Z” зохиолоос сэдэвлэн бүтээсэн ба гол дүрд жүжигчин Брэд Питт тогложээ. Тэрээр НҮБ-ын ажилтан Жерри Лэйний дүрд тоглосон ба Жерри нь дэлхийг сүйрэлд хүргээд байгаа “Зомби” дайралтыг намжаах аргыг эрэлхийлж эх дэлхийгээ хамгаалан тэмцэгч нэгэн ажээ.
Барууныхны домогт гардаг Лөүнь Рэнжерийн амьдралаас сэдэвлэсэн киноны гол дүрд нэрт жүжигчин Жонни Депп ба Арми Хэмер нар тогложээ. Кинонд Америкийн уугуул индиан Тонто ба Лөүнь Рэнжер нарын авилга хээл хахууль хийгээд шударга бус байдалтай хэрхэн гар нийлж тэмцдэг тухай сонирхолтойгоор өгүүлжээ.
13. “Pacific Rim” / 2013.07.12
Уран зөгнөлт төрөл жанрын бас нэгэн шилдэг бүтээл ирэх 7 сард гарахаар болжээ. Энэ бол хүн төрөлхтний ойрын ирээдүйд болох үйл явдлыг хүүрнэсэн дэлгэцийн бүтээл бөгөөд эх дэлхийд заналхийлсэн харийнхны эсрэг тэмцэх “хүн робот”-уудын тулааныг өгүүлэх юм байна. Эдгээр аварга роботуудыг мэргэшсэн цэрэг удирдан тулалдах ба киног бүтээхэд “Iron Man” / “Independence Day” зэрэг кинонууд дээр ажилласан тусгай эффектийн мастерууд болох Шэйнь Мэхань, Клэй Пинни нарын шилдэг хамт олон ажилласан байна.
АНУ ба Австралийн хамтарсан нэгэн шинэ кино дэлгэцнээ гарах гэж байгаа бөгөөд энэ нь “Marvel Comics”-ийн Вүлверинь дүрээс сэдэвлэсэн бүтээл буюу “X – Men” цувралын зургаа дахь анги болж байгаа юм. Энэ удаад Япон орноор хийх Логаны адал явдлыг өгүүлэх ба жүжигчин Хью Жэкмэн энэхүү дүрээ бүтээхдээ багагүй жин нэмэх хэрэгтэй болж өдөрт 6000 калори хоол идэж байсан гэнэ.
Өнгөрсөн гурван сард нээлтээ хийх байсан боловч тодорхойгүй шалтгаанаар 2013.08 сар хүртэл хойшлогдсон эл бүтээлийн хувьд 2159 онд огторгуйн тансаг зэрэглэлийн “Elysium” хөлөг дээрх болон мөхлийн ирмэгт ирсэн дэлхийн хүн ам хоорондын амьдралын төлөөх тэмцлийг өгүүлэх бөгөөд гол дүрд жүжигчин Мэтт Дэймон тогложээ.Тэрээр Максын дүрийг бүтээсэн ба Макс нь амьдралын энэ харьцангуй байдлыг тэгшитгэхийн төлөө тэмцэгч дүр юм байна. Киноны тухай одоогоор дэлгэрэнгүй мэдээлэл байхгүйн зэрэгцээ албан ёсны трэйлер, постер нь ч гараагүй байна.
ЭХ СУРВАЛЖ: PLAYSKULL.MN
