Оросын хөлбөмбөгч Юрий Жирковын гэргий, тус улсын “Гоо бүсгуй-2012″уралдааны ялагч Инна титмээсээ татгалзав. Даваа гарагт Оросын нэгэн телевизээр сэтгүүлч Борис Соболевийн бэлтгэсэн нэвтрүүлгээр гоо бүсгүйн уралдаанд оролцогчдын үнэн нүүр царайг илчилж, тэд юуны хүчээр титмийг хүртэхээр зүтгэдэг талаар өгүүлсэн байна.
Энэ үеэр Инна Жирковагийн хувьд сэтгүүлчийн энгийн асуултанд хариулж чадахгүй бүдэрсэн нь олны дургүйцлийг төрүүлэхэд хүрчээ. Энэ үед гоо бүсгүйчүүдийн эсрэг хандлага нийгэмд бий болчихоод байгаа аж. Инна дэлхий нарыг тойрон эргэдэг эсэхийг мэдэхгүй бүдэрсэн байна.
Мөн түүний хоёр дахь асуултад Оросын алдарт зохиолын зохиолчийг нэрлэх байсан ч бас л тааж чадаагүй байна. Үүнээс гадна амьдралдаа огт ажил хийж үзээгүйгээ ярьсан нь олны дургүйцлийг гойд төрүүлжээ. Энэхүү нэвтрүүлгийн дараагаар Инна Жиркова сэтгэлийн хямралд орж, улмаар титмээсээ татгалзаж, цаашид гоо бүсгүйн уралдаанд оролцохгүй гэдгээ мэдэгджээ.
Эх сурвалж: Зууны мэдээ