Өнөөдөр дэлхийн хэвлэлийн эрх чөлөөний өдөр. Нэгдсэн Үндэстний Байгууллагын Ерөнхий Ассамблей 1993 онд Дэлхийн Хэвлэлийн эрх чөлөөний өдөр тэмдэглэхийг тунхагласан бөгөөд эл өдрийг дэлхий нийтээрээ тэмдэглээд өдгөө 20 жил болж байна.
80 гаруй сайтуудыг эгнээндээ элсүүлсэн “Монголын сайтын холбоо”-хон “Үг хэлэх эрхээ эдлэе” уриан дор хэвлэлийн эрх чөлөөний баяраа өчигдөр тэмдэглэн онлайн сэтгүүл зүйн хөгжилд авъяас хөдөлмөрөө зориулж яваа шилдэг сэтгүүлчидээ, шилдгүүдээ тодруулсан юм.
Монгол улсын цахим ертөнцийн хөгжилд үнэтэй нэмэр оруулж, түүхэн гавъяа байгуулсан байгууллага, хувь хүмүүсийг энэ жилээс эхлэн анх удаа “WWW” тэргүүн дээд одонг гардуулж эхлэхээр болсон ба энэ шагналын эзнээр Монгол улсын анхны ерөнхийлөгч П.Очирбат, Монгол улсын ерөнхийлөгч Ц.Элбэгдорж, хамгийн ахны интернэт телевиз болох TV5 телевизийг үүсгэн байгуулагч, УИХ-ын гишүүн Д.Сарангэрэл нар нар хүртсэн юм.
Бидний баярт МУ-ын анхны Ерөнхийлөгч асан П. Очирбат, УИХ-ын гишүүн С.Ганбаатар, УИХ-ын гишүүн Д.Сарангэрэл, УИХ-ын гишүүн Г.Уянга, УИХ-ын гишүүн Ж.Батзандан, Гавъяат уулчин Г.Өсөхбаяр, урлагийнхнаас Харанга, Хурд, Extacy, S4, Домог хамтлагууд болон МУГЖ Т.Ариунаа, Ноён Бондгор, Баярцэцэг, Гранд хамтлагийн дуучин В.Гантулга, уртын дуучин Х.Хонгорзул зэрэг олон олон хамтлаг дуучид ая дуугаа өргөн барилаа.
Дашрамд сонирхуулахад манай сайтын сэтгүүлчид Хөдөлмөрийн алдар, Цахим эрх чөлөө болон Цахим элч шагналуудын эздээр тодорч энгэрээ цооллоо.
Ж.ЦАЦРАЛ
