Үс самнадаг самаа цэвэрлэхгүй бол бохирдоно. Тиймээс долоо хоногт нэг удаа самаа цэвэрлэж байгаарай. Үүнд нэг их хэцүү зүйл ердөө байхгүй. Бүлээн савантай усанд зайлж угаана. Савангийн оронд шампуниа хэрэглэсэн ч болно шүү дээ. Дараа нь цэвэр усаар зайлахаа мартав. Үснийхээ өтгөн, шингэнээс хамаарч том, эсвэл нарийн шүдтэй сам сонгохоо шийдээрэй. Их өтгөн үстэй бол том зайтай шүдтэй сам хэрэглэвэл зохимжтой байдаг. Харин шингэн үстэй тохиолдолд нарийн зайтай сам хэрэглэх нь зүгээр. Чи тусдаа өөрийн гэсэн самтай байж, гэр бүлийнхээ бусад гишүүн болон найз нартаа самаа өгөхгүй байж сурах хэрэгтэй.
Самандаа тогтмол үлдсэн үсийг бөөгнүүлж аваад хаяж байгаарай. Зарим ээж саманд үлдсэн үсний сэвийг цуглуулж байгаад шатаадаг. Энэ нь манай уламжлалт ёс жаягтай холбоотой. Ямар ч гэсэн самаа унаж үлдсэн үстэй нь орхих муухай харагддаг юм шүү.
Үс хатаагч сэнс, хайч зэргийг хэрэглэхгүй байх нь дээр. Эдгээр нь үс хатаахад цаг хэмнэх сайн талтай ч үсийг их хуурайшуулдаг юм. Үсээ зүгээр л хатаах нь зөв. Үсээ хурдан хатаах зайлшгүй тохиолдолд сэнсээ хамгийн бага чадал дээр нь тавьж хэрэглээрэй. Чи том болоод аяндаа эдгээр зүйлийг хэрэглэдэг болно.
Эх сурвалж: Б.Батгэрэл “Охидын шивнээ” гарын авлага
